THEIHTHAINA 24:16 - Mara Bible RV (BSI)

¹⁶ Abeipa moh a reipachhiepa cha thie thlyu awpa châ ta, zawpi zydua ta alô ta ama vawh awpa a châ. Chihropa chhao, a râh chyhsa chhao, Moh a reipachhie khiahta cha thie awpa a châ.

THEIHTHAINA 24:16 ပူးပေါင်းရင်းမြစ်များ

2 SAMUELA 6:2

Dâvi cha thyu ta, cherubizy likawh beidyuchhai liata patyupa Pheisaihzy Abeipa moh ta awpa Khazohpa Byh cha la awpa ta, a pheisaih zydua chhaota Zudâh râh liata Bâle khihpi lâ sie ta.

HLAZY 139:20

Hy Khazohpa, haipa ta cha reipachhie ei ta, Na chariahpazy ta hraoleipa ta na moh ama reih hih.

HLAZY 74:10

Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

HLAZY 74:18

Hy Abeipa, he he a thei mah y; Chariahpa ta cha pahneisao ta, Phopi hrupa ta na moh a reipachhie.

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

THEIHTHAINA 20:2

“Izarei sawzy hetana heta chho heih teh: Izarei saw tlyma, Izarei râh liata a pahrâpa chihropa tlyma, a saw Môleka lâta a piepa cha thie thlyu awpa châ ta, râh chyhsa zawpi ta alô ta vawhsao awpa a châ.

MATHAI 12:31

Chavâta ei cha chho ei, chyhsa moleina to nata Khazohpa ama reipachhiena cha a ngiahthaipa châ aw ta, Thlahpa reipachhiepa deikua cha, a ngiahthaipa châ aw vei.

MATHAI 26:66

Kheihta ma nama pachâ?” tah ta. “Thi tlâh a châ,” tah ei ta.

MÂKA 14:64

Khazohpa a reipachhienazie nama thei haw. Kheihta nama pachâ?” tah ta. Ama zydua ta ano cha thie tlâh ta rao ei ta.

ZAWHÂNA 19:7

Zuzy ta a chhy ei ta, “Ryhpa miakha hnei pi ta, Khazohpa Sawchapawpa ta â taopa vâta, cha ryhpa hawhta a thi awpa a châ,” tah ei ta.

HMOTAOPAZY 26:11

Pakhyna o zydua liata âmo cha hrie tyh ei na ta, Khazohpa moh reipachhie awpa ta tao ei na ta, ama chô liata nôchhie ngaitapa ta y na ta, râh hropa khihpi lâzy taihta âmo a taola laihpa ei châ.

HMOTAOPAZY 7:58

Khihpi khôtho lâ papua ei ta, alô ta vawh ei ta. Bie pahnotuhpazy ta satlia pakha, Sawla ama tahpa phei thaby liata ama pohzy soh ei ta.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.

ZÂMIE 2:7

Âmo cha moh zachhihpa nama phaopa a reipachhietuhpazy châ veih ei mâ?