THEIHTHAINA 23:40 - Mara Bible RV (BSI)

⁴⁰ A noh khana noh ta tho phapa theizy, thiahrâ kuahzy, thochiah buh phapa nata chavah liata râbuhzy a chaba aw ei chi ta, Abeipa nama Khazohpa hmiakô liata noh sari chhôh thaphapa ta nama y aw.

THEIHTHAINA 23:40 ပူးပေါင်းရင်းမြစ်များ

HLAZY 137:2

Cha liata râbuhzy liata, Eima totâzy baih pi ta.

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 44:4

Sibiepa hawhta ama chhyh paka aw ei ta, Vahtie tizy kiah liata thozy hawhta ama buh a rôh aw.

ISAI 66:10

“Nâmo, Zerusale kyh a pachâtuhpa zydua saih u, Zerusale cha thaphakhei u la, a lykhei teh u; Nâmo, Zerusale châta mâchhie a satuhpa zydua saih u, Zerusale â lyna liata a lykhei hra teh u.

THEIHTHAINA 23:39

“A thla sarina, noh hrawh hleipangawhna noh, nama lyu liata kôveizy nama hria khai tawhta, Abeipa kyhchhi noh sari chhôh hmâh aw ei chi ta, a noh khana noh cha apahâna noh zachhihpa châ aw ta, a noh chariena noh chhao apahâna noh zachhihpa a châ aw.

THEIHTHAINA 23:41

Cha cha Abeipa lâta kyhchhi châta kô chareih noh sari chhôh nama chay tyh awpa châ ta, nama chhâ zydua châta chhâzaw bieraopa a châ aw. Thla sarina liata nama chay tyh awpa a châ.

MATHAI 21:8

Zawpi hluhpi ta lâpi liata ama pohzy phaw ei ta, ahropazy ta thobuhzy chhawhpa ta lâpi liata phaw hra ei ta.

ZAWHÂNA 12:13

Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 4:4

Abeipa liata khâ a ly teh u; ei tah heih aw, a ly teh u.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.