THEIHTHAINA 23:34 - Mara Bible RV (BSI)

³⁴ “Izarei sawzy chho la, ama hnohta hetana heta reih teh: He thla sarina, noh hrawh hleipangawhna noh he, Abeipa lâta noh sari chhôh Byureih Kyhchhi hmâna nohzy a châ.

THEIHTHAINA 23:34 ပူးပေါင်းရင်းမြစ်များ

1 ABEIZY 12:32

Zudâh râh liata kyhchhi ama hnei tyhpa hawhta, thla chariena, noh hrawh hleipangawhna noh cha, Zerôbaw ta kyhchhi noh ta rao hra ta, maisâh liata atheihnazy a hlâ tyh. Cha hawhna chata Bethel liata tao ta, viahchaotaw nothlahpa a taopazy lâ cha atheihnazy hlâ ta. Su sâhpa a paduapa châta theihthaipazy cha Bethel liata soh ta.

1 ABEIZY 8:2

Chatanachata Izarei chapaw zydua cha thla sarina, Ethâni thla kyhchhi daihti liata Bei Sawlawmaw lâta a hmaohpakhy ei ta.

1 ABEIZY 8:65

Cha daihti liata Sawlawmaw ta kyhchhi noh sari tao ta. Lebôhamâ tawhta Izi Chavah taihta Izarei saw zydua a ki khaipa ta, zawpi hluhpi Abeipa eima Khazohpa hmiakô liata tlôpakhy ei ta.

EZRÂ 3:4

Ryhpa liata ropa hawhta, Byureih Kyhchhi hmâh ei ta, noh chareih ta hlâ awpa zie raopa hawhta raopa hlânazy ama hlâ.

NEHEMIAH 8:14

Thla sarina kyhchhi nota, Izarei sawzy cha byureih liata ama y awpa a châzie Abeipa ta Mawsi hmâpa ta bie a piepa cha Ryhpa liata hmô ei ta.

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

PUASAINA 34:22

Hâta Kyhchhi chay aw chi ta, cha cha sâh hria a daih tua chaipa kyhchhi a châ. Kô châhdi sâh pakhy khai tawhta Peihtla Kyhchhi chhao na chay tyh aw.

EZEKIA 45:25

“Thla sarina, noh hrawh hleipangawhna noh ta pathaopa kyhchhina noh sari chhôh zydua ta, cha hawhna chata tao aw ta, moleina hlânazy, raopa hlânazy, niepa hlânazy nata sathaw hlâ awpazy châta â chhuanoh lymâ aw.

THEIHTHAINA 23:33

Abeipa ta Mawsi chho ta, a hnohta,

THEIHTHAINA 23:42

Byureih liata noh sari chhôh y aw ei chi ta, a râh chyhsa Izarei saw zydua cha byureihzy liata pahrâ khai awpa a châ.

THEIHTHAINA 23:43

Chatanachata nama chhâ vaw y lymâ awpazy ta, Izarei sawzy Izi râh tawhta ei chhi papua nota byureih liata ei paysapa ei ama pahno thei aw. Kei he Abeipa nama Khazohpa ei châ,” tah ta.

MALUHREINA 29:12

“Thla sarina, noh hrawh hleipangawhna noh liata pakhypi pathaihpa hnei aw ei chi ta, rai rupa nama hria awpa châ vei. Abeipa châta noh sari chhôh kyhchhi nama hmâh aw.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 7:2

Zuzy Byureih Kyhchhi cha a hnia ha ta.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.

RYHPACHANEINA 31:10

Mawsi ta âmo cha biepie ta, ama hnohta, “Kô sarina, dyuchei ngiahthaina kô chhâna liata Byureih Kyhchhi liata,

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 11:9

Ngiapâna ta bietai râh liata pahrâ awpa ta sie ta, chihropa râh liata ypa hawhta y ta, bietai miakha ryutolâhpa Aisika nata Zakaw zy chhaota poh ozy liata ama pahrâ.