THEIHTHAINA 23:3 - Mara Bible RV (BSI)

³ “Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

THEIHTHAINA 23:3 ပူးပေါင်းရင်းမြစ်များ

PUASAINA 16:23

Mawsi ta, “He he Abeipa biepiepa a châ: ‘Mylâ cha a pahâna noh, noh ziehpa, Abeipa châta Pahânoh pathaihpa a châ aw. Chavâta pakâh awpazy cha pakâh u la, chho awpazy chhoh u la, a laibâhpa zydua mylâ châta namâ so aw,’” tah ta.

PUASAINA 16:29

Pachâ teh u, Abeipa ta Pahânoh cha pie ei ta, chavâta noh charuna noh ta, noh no a khi awpa viahchhâ a cha pie ei. Chyhsa to âmo su chyu liata y khai mawh ei sy. Noh sarina noh cha ahy hmahta a yna su tawhta khô pua cheita khah sy,” tah ta.

PUASAINA 16:30

Chatanachata noh sarina noh liata cha Izarei phopi amâ pahâ khai haw.

PUASAINA 23:12

“Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

PUASAINA 34:21

“Noh charu chhôh rai hria aw chi ta, a noh sarina noh deikua cha nâ pahâ aw. Leipalie daihti nata sâh hria daihti hmahta châ hra sala, nâ pahâ awpa a châ.

ISAI 56:2

Cha hawhta a taopa chyhsa cha, Thlaochhipa ta y aw ta; Chazy khâchâ â patupa chyhsa sawchapawpa cha, Thlaochhipa ta a y aw. Ano cha Pahânoh chaypa ta a papuapalei leipa châ ta, Hmo pha leipa taona tawhta a ku a vaih tyhpa a châ.”

ISAI 56:6

“Abeipa chakaopa ta a moh pasô ta, A chakaotuhpa châ awpa ta Abeipa a pazao ta, Pahânoh papuapalei leipa ta a phapa ta chay ta, Ei biehrai khâchâ â patupa ta, Abeipa a pazaopa chihropazy cha,

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

LUKA 13:14

Zisu ta Pahânoh ta chyhsa a patlâhpa vâta, pakhyna o hyutuhpa cha a hiehâh kaw ta, zawpi hnohta, “Chyhsapa raihria nawpa ta noh charu y ta, cha chhôh chata a vy u la, patlâhpa ta y teh u. Pahânoh ta la tao awpa châ vei,” tah ta.

LUKA 23:56

O lâ a di ei ta, ropahâhpa nata sathawzy a chhuanoh ei ta. Pahânoh cha biepiepa hawhta a pahâ ei ta.

HMOTAOPAZY 15:21

Mawsi ryhpa he, hlâno tawhta khi to liata phuah tyhpa châ ta, Pahânoh maihta pakhyna ozy liata rei tyhpa a châpa kha,” tah ta.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,