THEIHTHAINA 23:27 - Mara Bible RV (BSI)

²⁷ “Thla sarina noh hrawhna noh cha Chatlaina Noh châ ta, nama châta pakhypi pathaihpa châ aw ta, a paky aw ei chi ta, Abeipa lâta mei ta hmohlâpa nama hlâ awpa a châ.

THEIHTHAINA 23:27 ပူးပေါင်းရင်းမြစ်များ

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

HLAZY 35:13

Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

PUASAINA 30:10

Arawna ta kô kha ta ei kha maisâh kizy chô liata aryhna a tao tyh aw. Molei chatlaina thisaih hmâpa ta aryhna cha, kô kha ta ei kha, nama chhâ zydua liata tao tyh awpa a châ. Cha cha Abeipa châta hmo pathaih ngaitapa a châ,” tah ta.

ISAI 58:5

Cha hawhpa kâhvileipa cha, Apanawhna noh châta ei raopa kâhvileipa a châ ma? Kâhvileipa cha lohthi hawhta luh a bôh ta, Latho poh nata buchâh liata a ziapa he ma a châ? Cha cha kâhvileipa tahpa ta, Abeipa a palysapa noh nama tah aw ma?

THEIHTHAINA 16:11

“Arawna ta ano châta moleina hlâna viahchao tôhpa cheih aw ta, ano nata a chhôhkhazy châta chatlaina tao aw ta, ano châta moleina hlâna viahchao tôhpa cha a thie aw.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 16:16

Chatanachata Izarei sawzy pathaih leinazy, ama paraonazy nata ama moleina zydua vâta Su Pathaihpa châta chatlaina a tao aw. Cha hawhna chata, ama pathaih leinazy hry liata ama hnohta a ypa ahmaohna poh o châta chhao a tao aw.

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

THEIHTHAINA 23:26

Abeipa ta Mawsi chho ta, a hnohta,

THEIHTHAINA 23:28

Cha noh cha, chatlaina noh châ ta, Abeipa nama Khazohpa hmiakô liata nama châta chatlaina taona noh a châpa vâta, khâpa rai hmah nama hria awpa châ vei.

THEIHTHAINA 25:9

Cha tawhta thla sarina, noh hrawhna noh ta chiahmie paro ngaitapa ta patôsa aw chi ta, nama râh zydua liata chiahmie tôpa ta chatlaina noh nama phuah aw.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

HMOTAOPAZY 27:9

Noh hluhpi khô ha ta, Kâhvileipa noh chhao a khô hapa vâta, balyh ta siepa cha chichhih ngaita ta. Pawla ta âmo cha pachâna pie ta,

ZÂMIE 4:9

Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.