THEIHTHAINA 23:21 - Mara Bible RV (BSI)

²¹ Cha noh lia tlai ta nama châta pakhypi pathaihpa phuah aw ei chi ta, rai rupa khâpa hmah nama hria awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:21 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

THEIHTHAINA 23:14

Nama Khazohpa lâta nama hlâna noh a tlô hlâlei cha, chi thiehpa viahchhâ tlyma, raopa tlyma, a suh tlyma, nama nie awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:2

“Izarei sawzy chho la, ama hnohta hetana heta reih teh: Hezy he Abeipa châta kyhchhi raopa, pakhypi pathaihpa ta nama phuah awpa châ ta, chazy cha keima raopa kyhchhizy a châ.

THEIHTHAINA 23:20

Theihthaipa ta thei hmiatuapa viahchhâ cha, mietakutaw pô no chhaota, chaluahpa hlâna ta Abeipa hmiakô liata a chaluah aw. Chazy cha Abeipa châta pathaihpa châ ta, theihthaipa tovyuh a châ aw.

THEIHTHAINA 23:25

Rai rupa nama hria awpa châ leipa ta, Abeipa lâta mei ta hmohlâpa nama hlâ awpa a châ,” tah ta.

THEIHTHAINA 23:31

Khâpa rai hmahta nama hria awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:4

“Hezy he Abeipa châta kyhchhi raopa, pakhypi pathaihpa châ ta, hmâh awpa ta a daihti raopa liata nama phuah tyh awpa a châ:

THEIHTHAINA 23:7

A noh khana noh ta pakhypi pathaihpa hmâh aw ei chi ta, rai rupa nama hria awpa châ vei.

THEIHTHAINA 3:17

“Thaw tlyma, thisaih tlyma, nama nie awpa châ vei tahpa cha, nama pahrâna maih liata nama chhâ zydua châta chhâzaw bieraopa a châ aw,” tah ta.

MALUHREINA 18:23

Ahmaohna poh o chakaona rai cha, Livai pathlazy ta hria aw ei ta, ama paraona maoh âmo ta ama phaoh aw. He he nama chhâ zydua châta bieraopa a châ aw: Livai pathlazy cha Izarei sawzy hry liata ryuto hnei aw veih ei.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.