THEIHTHAINA 23:17 - Mara Bible RV (BSI)

¹⁷ Chaluahpa hlâna ta Abeipa lâ thei hmiatuapazy hlâ awpa ta, nama pahrâna suzy tawhta, viahchhâ tlâ no nata viahdie dipa thinô pahlaopa ta taopa kachu su hrawh su no nama cheih awpa a châ.

THEIHTHAINA 23:17 ပူးပေါင်းရင်းမြစ်များ

NEHEMIAH 10:37

Viahchhâ eima tao tuapazy, eima thyunazy, theilâpa to, kresawhti nata sathaw zy eima Khazohpa o chhôhpadâhpa liata theihthaipazy lâ cheih tyh aw pi ta, eima chhaohlei patheipa su hrawh su kha chhao Livai pathlazy eima pie lymâ aw, Livai pathlazy cha eima raihriana khi to liata su hrawh su kha a pakhytuhpazy ama châpa vâta.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

PUASAINA 34:22

Hâta Kyhchhi chay aw chi ta, cha cha sâh hria a daih tua chaipa kyhchhi a châ. Kô châhdi sâh pakhy khai tawhta Peihtla Kyhchhi chhao na chay tyh aw.

PUASAINA 34:26

Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. Mietaw sa cha a panô sâhpiti ta na chho awpa châ vei,” tah ta.

THEIHTHAINA 2:12

Niepa hlânazy cha thei hmiatuapa hlâpa hawhta Abeipa lâta hlâ aw chi ta, maisâh liata ropahâhpa hlâna châta deikua hmâ awpa châ vei.

THEIHTHAINA 23:10

“Izarei sawzy chho la, ama hnohta hetana heta reih teh: Râh ei cha piepa ei tlô aw ei chi ta, a kôvei sâh nama hria tita, nama sâh a daih tuapazy tawhta sapiah miakha theihthaipa lâ nama vaw cheih awpa a châ.

THEIHTHAINA 23:18

Viahchhâ hlâ nota, mietakutaw kô khapa seina hnei leipa pô sari, viahchao tôh dawpa pô kha nata mietaku tôhpa pô no nama hlâ awpa a châ. Chazy cha Abeipa lâta raopa hlâna châ aw ta, ama niepa hlâna nata ama dopa hlânazy chhaota Abeipa lâta raopa hlâna ropahâh ngaitapa a châ aw.

THEIHTHAINA 7:13

Alyna biereina châta aryhna hlâna atheihnazy liata deikua cha, viahchhâ thinô pahlaopa a hlâ aw.

MALUHREINA 15:17

Abeipa ta Mawsi hnohta,

MALUHREINA 18:12

Abeipa lâta ama hlâpa sathaw pha chaipa, kresawhti pha chaipa, sâh pha chaipa nata thei hmiatua chaipazy ei cha pie.

MALUHREINA 18:13

Ama râh liata a ypa zydua hry liata theilâpa a hmoh tua chaipa, Abeipa châta ama vaw cheipa cha, nâ eih châ aw ta, na o liata chyhsa pathaihpa zydua ta ama nie thei aw.

MALUHREINA 28:26

“Nama hâta kyhchhi chhôh ta, Abeipa lâta niepa hlâna sâh thiehpa, thei hmiatuapazy nama hlâna noh ta, pakhypi pathaihpa hnei aw ei chi ta, rai rupa nama hria awpa châ vei.

MATHAI 13:33

Zisu ta pakhona bie hropa ama hnohta reih heih ta, “Vârâh khinarâh cha chanô ta thinô la ta, viahdie saikhua miathôh liata pabu ta a zydua ta a thyu khai hapa hawhta a châ,” tah ta.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.