THEIHTHAINA 22:22 - Mara Bible RV (BSI)

²² Sahroh mochaopazy, ru tliepazy, asypazy, hmahphaohpazy, hmahchaku a hneipazy nata thachhâpazy Abeipa lâta nama hlâ awpa châ vei. Maisâh liata niepa hlâna châta Abeipa lâ nama pie awpa châ hra vei.

THEIHTHAINA 22:22 ပူးပေါင်းရင်းမြစ်များ

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 22:20

Seina a hneipa rai nama hlâ awpa châ vei. Cha hawhpa cha nama châta a pyh tlâh châ aw vei.

THEIHTHAINA 22:21

Ahy rai a bietai patlô nawpa ta Abeipa lâta aryhna hlâna châta tlyma, lôhthai hmohlâpa châta tlyma, atheihna a hlâ tita, a py tlâh a châ thei nawpa ta, viahchao hri tawhta tlyma, mietaku zaw tawhta tlyma, seina hnei leipa a hlâ awpa a châ. Sahroh cha seina rai a hnei awpa châ vei.

THEIHTHAINA 22:23

Lôhthai hmohlâpa châta viahchao tôhpa tlyma, mietakutaw tlyma, kuphei seih tupa tlyma, chyu tupa tlyma hlâ thei aw ei chi ta, bietai patlô nawpa ta hmohlâpa châta deikua, cha hawpa cha a pyhpa châ aw vei.

THEIHTHAINA 3:3

Aryhna hlâna châta atheihna cha Abeipa lâta mei ta hlâ aw ta, a rihhri nata a chhôrih liata thaw zydua nata

THEIHTHAINA 3:5

Chazy cha Arawna sawchapawzy ta maisâh liata raopa hlâna mei tho chô liata ama rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

MALAKHAI 1:8

Atheihna châta sahroh mochaopa nama hlâ khiahta cha, moleina châ vei ma? Asypa nata apasapa nama hlâ khiahta cha, moleina châ hra vei ma? Cha hawhpazy cha nama râh ryureituhpa hnohta pie tua rai u, nama chô liata â ly aw ma? A châ pyh aw ei ma?” Pheisaihzy Abeipa ta a tah.