THEIHTHAINA 22:21 - Mara Bible RV (BSI)

²¹ Ahy rai a bietai patlô nawpa ta Abeipa lâta aryhna hlâna châta tlyma, lôhthai hmohlâpa châta tlyma, atheihna a hlâ tita, a py tlâh a châ thei nawpa ta, viahchao hri tawhta tlyma, mietaku zaw tawhta tlyma, seina hnei leipa a hlâ awpa a châ. Sahroh cha seina rai a hnei awpa châ vei.

THEIHTHAINA 22:21 ပူးပေါင်းရင်းမြစ်များ

ÂTHAONA 28:20

Zakaw ta, “Khazohpa cha ei hnohta y sala, ei siena lâpi liana heta na vaih sala, viahchhâ nie awpa nata chysia a tao awpa na piepa ta,

HLAZY 50:14

Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

BIESOZY 7:14

“Aryhna hlâna atheihnazy ei hlâ awpa châ ta, Tanoh kha ei bietai ei patlô haw.

THEIHTHAINA 22:22

Sahroh mochaopazy, ru tliepazy, asypazy, hmahphaohpazy, hmahchaku a hneipazy nata thachhâpazy Abeipa lâta nama hlâ awpa châ vei. Maisâh liata niepa hlâna châta Abeipa lâ nama pie awpa châ hra vei.

THEIHTHAINA 3:1

“Chyhsa hmohlâpa cha aryhna hlâna châta atheihna châ sala, viahchao hri tawhta a hlâ khiahta cha, a chapawpa tlyma, a chanôpa tlyma hlâ thei ta, Abeipa hmiakô liata seina hnei leipa a hlâ awpa a châ.

THEIHTHAINA 3:6

Chyhsa ta aryhna hlâna atheihna châta Abeipa lâta a hlâpa cha, mietaku zaw tawhta a châ khiahta cha, a chapawpa tlyma, a chanôpa tlyma hlâ thei ta, seina hnei leipa a hlâ awpa a châ.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MALUHREINA 15:8

Raopa hlâna châta tlyma, bietai patlô nawpa ta atheihna châta tlyma, aryhna hlâna châta tlyma, Abeipa lâta viahchao tôhpa na hlâ khiahta cha,