THEIHTHAINA 22:18 - Mara Bible RV (BSI)

¹⁸ “Arawna nata a sawchapawzy nata Izarei saw zydua chho la, ama hnohta hetana heta reih teh: Izarei pathla tlyma, Izarei râh liata a ypa chihropa tlyma, a hmohlâpa a vaw chei tita, ama bietai hmohlâpa rai châ sala, lôhthai hmohlâpa rai châ sala, raopa hlâna châta Abeipa lâta ama vaw cheipa maih cha,

THEIHTHAINA 22:18 ပူးပေါင်းရင်းမြစ်များ

2 THÂTIHZYRONA 31:14

Nochhi chhikao vaituhpa, Livai pathla Imnâ sawchapawpa Kôre cha, Khazohpa lâta lôhthai hmohlâpazy mohôhtuhpa châ ta, Abeipa châta panano eihpazy nata hmohlâpa pathaih chaipazy a pahruatuhpa a châ.

HLAZY 116:14

A chyhsa zydua hmiakô liata, Abeipa liata ei bietaizy ei patlô aw.

HLAZY 116:18

A chyhsa zydua hmiakô liata, Abeipa liata ei bietaizy ei patlô aw.

HLAZY 22:25

Pakhypi rônahpa liata cha reithai aw na ta, Nâma châ chituhpazy hmiakô liata ei bietai ei patlô aw.

HLAZY 56:12

Hy Khazohpa, bie ei châ taihpazy patlô aw na ta, Alyna biereina hmohlâpa ei cha pie aw.

HLAZY 61:5

Hy Khazohpa, ei bietaizy thei ha chi ta, Na moh a chituhpazy ryuto eina patosa ha chi.

HLAZY 61:8

Chatanachata na moh reithaina hla sa aw na ta, Ei bietaizy noh chareih ei patlô aw.

HLAZY 65:1

Hy Khazohpa, Zaio liata reithaina ta cha hâ thlâh ha ta, Bietaizy nâma liata patlôpa a châ aw.

HLAZY 66:13

Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw.

PUASAINA 12:5

Nama mietakutaw cha seina a hnei leipa, a chapawpa kô khapa a châ awpa châ ta, mietaku hry liatapa tlyma, mie hry liatapa tlyma namâ so thei.

BIECHHOTUHPA 5:4

Khazohpa lâ hmo pie awpa bie nâ taih khiahta cha, na bietai patlô awpa ta pahawhpasâh khah y. Khazohpa cha ahrupazy chô liata a ly vei. Bie nâ taihpa cha patlô mah y.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 1:2

“Izarei sawzy chho la, ama hnohta hetana heta reih teh: Nama hry liata ahy rai ta Abeipa lâta hmo nama hlâ tita, viahchao hri nata mietaku zaw tawhta sahroh nama hlâ awpa a châ.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 17:13

“Izarei saw tlyma, chihropa ama hry liata a pahrâpa tlyma, râh a khie sala, sa tlyma, pavaw tlyma, nie theipa chi a vaw phaoh khiahta cha, a thisaih palo aw ta, dohlei ta a khu awpa a châ.

THEIHTHAINA 22:17

Abeipa ta Mawsi hnohta,

THEIHTHAINA 23:38

Chazy cha Abeipa Pahânohzy liata pie awpa nama hmosaipiepazy, nama bietai zydua nata nama lôhthai hmopiepa zydua khô lâta Abeipa lâta nama pie awpazy a châ.

THEIHTHAINA 7:16

 theihna hlâna cha bietai hlâna tlyma, lôhthai hlâna tlyma a châ khiahta deikua cha, atheihna a hlâ noh ta nie awpa châ ta, nie laipa cha a mylâ ta nie theipa a châ.

AMÔSÂ 4:5

Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

ZAWNA 1:16

Balyh puhpazy ta Abeipa cha chi ngaita ei ta, Abeipa lâ atheihna hlâpa ta, biezy a taih ei ta.

ZAWNA 2:9

Kei deikua cha alyna ao chhaota Atheihna cha hlâ aw na ta, Bie ei taih hapa cha ei pie aw. Pachhana cha Abeipa eih a châ,” tah ta.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

RYHPACHANEINA 12:6

Cha liana chata nama raopa hlânazy, namâ theihnazy, nama su hrawh su khazy, nama chalopa hlânazy, nama bietaizy, nama lôhthai hlânazy, nama viahchao hri nata mietaku zaw hry liata a pataw tua chaipa zy nama vaw cheih awpa a châ.

RYHPACHANEINA 16:10

Chatawhcha Abeipa nama Khazohpa châta Hâta Kyhchhi taopa aw ei chi ta, Abeipa nama Khazohpa ta byhnâ a cha piepa lymâ hawh ei ta, lôhthai hlâna nama hlâ aw.