THEIHTHAINA 22:11 - Mara Bible RV (BSI)

¹¹ Theihthaipa ta ano sôh ta a chaleipa sei deikua cha, hmo pathaihpa a nie thei aw. Theihthaipa o liata a pihpa chhao, theihthaipa pati a nie thei aw.

THEIHTHAINA 22:11 ပူးပေါင်းရင်းမြစ်များ

ÂTHAONA 12:5

Abarâ cha a lapinô Sârai, a nawhta sawchapawpa Lawta, a hneipa zydua nata Harânâ khih liata chyhsa a hneipa zydua a chhi ta, Kâna râh pangaipa ta sie ei ta. Kâna râh ama tlô nahta,

ÂTHAONA 17:13

Na o liata a pihpa tlyma, na sôh ta na chaleipa tlyma, chopaw tai khai awpa a châ. Chatanachata ei biehrai cha chhâzaw biehrai a châzie nama sapa lia tlai ta ngiapa ta a y aw.

PUASAINA 12:44

Tâkâ ta chaleipa sei deikua cha, a chopaw na tai khai tawhta a nie thei aw.

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 22:12

Theihthaipa sawchanô ta chyhsa zawrâpa a hnei khiahta cha, hmohlâpa pathaihpazy a nie awpa châ vei.

MALUHREINA 18:9

Mei ta rao leipa hmohlâpa pathaihpazy cha na tovyuh a châ aw. Ama hmohlâpa to na tovyuh châ aw ta, ama niepa hlânazy, ama moleina hlânazy nata ama thaileichâna hlânazy cha nâ nata na sawzy châta nama tovyuh hmo pathaihpa a châ aw.