THEIHTHAINA 21:6 - Mara Bible RV (BSI)

⁶ Ama Khazohpa châta ama pathaih awpa châ ta, ama Khazohpa moh ama papuapalei awpa châ vei. Khazohpa tovyuh a niepa châ ei ta, Abeipa lâta hmohlâpazy mei ta a hlâ tyhpa ama châpa vâta, ama pathaih awpa a châ.

THEIHTHAINA 21:6 ပူးပေါင်းရင်းမြစ်များ

EZRÂ 8:28

Ama hnohta, “Abeipa châta pathaihpa châ ei chi ta, hmobaohzy chhao pathaih ei ta, tâkâ nata ngôh zy he Abeipa, châ pathlatuhpazy Khazohpa châta lôhthai thyuna sôh sai a châ.

PUASAINA 19:22

Abeipa a hnia tyhpa theihthaipazy chhao a pathai hra mawh ei sy. Chataleipatala Abeipa ta âmo chhao a pahleipadia pathlei aw ei,” tah ta.

PUASAINA 28:36

“Ngôh suapa dawhrâ tao aw chi ta, cha liata ‘Abeipa châta Pathaihpa,’ tahpa bie cha moh chahnaona taozie hawhta taopa ta, na pachohsa aw.

PUASAINA 29:44

Ahmaohna poh o nata maisâhzy pathaisa aw na ta, Arawna nata a sawchapawzy chhao, theihthaipa rai hriapa ta eina chakao thei nawpa ei ta ei pathaisa hra aw ei.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

EZEKIA 44:7

Chihropa, pathipalôh nata sapa chopawtaileipazy ei supathaihpa liata pangiasapa ta, ei nie awpa thaw nata thisaih eina hlâpa lia ei chi ta, ei Achhyna o nama papuapalei. Pasichhihpa hmo zydua nama taopa thota, ei biehrai nama parao pâ heih.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

THEIHTHAINA 18:21

“Na saw ahy hmahta atheihna ta Môleka lâ na hlâ awpa châ vei. Cha hawhta hmo taopa ta na Khazohpa moh na papuapalei awpa châ vei. Kei he Abeipa ei châ.

THEIHTHAINA 19:12

Ei moh ta haipa ta bie a taihpa ta, na Khazohpa moh na papuapalei awpa châ vei. Kei he Abeipa ei châ.

THEIHTHAINA 20:3

Kei tlai chhao ta, cha chyhsa cha a heihnao aw na ta, a saw Môleka lâ piepa ta, ei supathaihpa cha pathaih leipa ta tao ta, ei moh pathaihpa a papuapaleipa vâta, a phopi tawhta ei chhawh pathlah aw.

THEIHTHAINA 21:17

“Arawna chho la, a hnohta hetana heta reih teh: ‘Chhâ vaw y lymâ awpa liata, na pathlazy hry liata a khaihly leipa cha, a Khazohpa viahchhâ hlâ awpa ta â hnia awpa châ vei.

THEIHTHAINA 21:21

Theihthaipa Arawna pathla a khaihly leipa cha Abeipa lâta mei ta hmohlâpa hlâ awpa ta â hnia awpa châ vei. A khaihly leipa a châpa vâta, a Khazohpa viahchhâ hlâ awpa ta â hnia awpa châ vei.

THEIHTHAINA 21:23

A khaihly leipa a châpa vâta, pohraipa deikua siepahlie thei leipa aw ta, ei supathaihpazy a papuapalei lei nawpa ta, maisâh kiapâh lâ vawh thei aw vei. Kei he Abeipa âmo pathaisatuhpa ei châ,’” tah ta.

THEIHTHAINA 21:8

Na Khazohpa viahchhâ a hlâpa a châpa vâta, na châta chyhsa pathaihpa ta na rao awpa a châ. Kei, Abeipa nâmo cha pathaisatuhpa he pathaih tlôh na ta, chavâta theihthaipa cha chyhsa pathaihpa ta na pachâ awpa a châ.

THEIHTHAINA 3:11

Chazy cha theihthaipa ta maisâh liata a rao aw. Cha cha Abeipa lâta mei ta hmohlâpa niepa hlâna a châ.

MALUHREINA 16:5

Kôrâ nata a sahlaozy hnohta, “Mylâ my ta Abeipa ta ahy ma ano eih a châ tahpa a pasia aw. Ahy ma a pathaih tahpa pasia aw ta, a pathaihpa ta ano a hnia thei aw ta, Abeipa ta â tlyhpa tlai chata Abeipa cha â hnia thei aw.

MALUHREINA 28:2

“Izarei sawzy biepie la ama hnohta hetana heta chho teh: ‘Kei lâta mei ta nama hlâ tyh awpa niepa hlânazy cha a daihti raopa liata nama hlâ tyh awpa a châ. Cha cha kei châta ropahâhpa a châ,’ tah ta.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.