THEIHTHAINA 21:5 - Mara Bible RV (BSI)

⁵ Theihthaipazy cha luh pôlôpa ta ama sâ amâ ngyu awpa châ leipa ta, ama kâhhmi kâ lâ ama tai awpa châ hra leipa ta, ama pôhpa ama â awpa châ vei.

THEIHTHAINA 21:5 ပူးပေါင်းရင်းမြစ်များ

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 48:37

Luh to papôlôpa châ ta, Kâhhmi to ngyupa a châ. Ku zydua âpa châ ta, Chai liata latho poh a saipa a châ.

EZEKIA 44:20

“Ama luh amâ papôlô awpa châ leipa ta, ama sâ amâ paseih awpa châ hra vei. Â daih thaipa ta ama sâ amâ ngyu awpa a châ.

EZEKIA 5:1

“Hy chyhsa sawchapawpa y, zaozi tiahpa la la, cha cha sângyutuhpa chaidâh hawhta hmâh la, na sâ nata na kâhhmi ngyu teh. Chatawhcha khopathliahnazy la la, sâ cha su thôh ta pachhaih mah y.

THEIHTHAINA 10:6

Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

THEIHTHAINA 21:4

Theihthaipa cha a chiheihzy hry liata pawhrâh chaipa a châpa vâta, pathaih leipa ta a taopa ta, â papuapalei awpa châ vei.

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

RYHPACHANEINA 14:1

“Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.