THEIHTHAINA 21:22 - Mara Bible RV (BSI)

²² A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 21:22 ပူးပေါင်းရင်းမြစ်များ

THEIHTHAINA 10:12

Chatawhcha Mawsi ta Arawna nata a sawchapaw a hrohpa Eliaza nata Ithamâ hnohta, “Abeipa lâta mei ta hmohlâpa niepa hlâna laibâhpazy la u la, hmo pathaih ngaitapa a châpa vâta, thinô pahlao leipa ta maisâh kiapâh liata nie teh u.

THEIHTHAINA 10:17

“Khazia moleina hlâna sa cha, supathaihpa su liata nama nie vei? Cha cha hmo pathaih ngaitapa châ ta, zawpi thaileichâna phaoh ta, Khazohpa hmiakô liata âmo châta chatlaina tao nawpa ta nama hnohta piepa châ vei ma?

THEIHTHAINA 14:13

Moleina hlâna nata raopa hlâna ama thie tyhna su, supathaihpa liata mietakutaw chapawpa cha a thie aw. Moleina hlâna cha theihthaipa tovyuh a châpa hawhta, thaileichâna hlâna chhao theihthaipa tovyuh a châ hra. Cha cha pathaih ngaitapa a châ.

THEIHTHAINA 2:10

Niepa hlâna laibâhpazy cha Arawna nata a sawchapawzy châta a châ aw. Cha cha Abeipa lâta mei ta hlâpazy hry liata hmo pathaih chaipa a châ.

THEIHTHAINA 2:3

Niepa hlâna laibâhpazy cha Arawna nata a sawchapawzy châta a châ aw. Cha cha Abeipa lâta mei ta hlâpazy hry liata hmo pathaih chaipa a châ.

THEIHTHAINA 21:23

A khaihly leipa a châpa vâta, pohraipa deikua siepahlie thei leipa aw ta, ei supathaihpazy a papuapalei lei nawpa ta, maisâh kiapâh lâ vawh thei aw vei. Kei he Abeipa âmo pathaisatuhpa ei châ,’” tah ta.

THEIHTHAINA 22:25

Cha hawhpa sahrohzy cha chihropa tawhta lapa ta, nama Khazohpa nie awpa ta nama hlâ awpa châ vei. Raona âmo liata y ta, seina ama hneipa vâta, nama châta a pyhpa châ aw vei,” tah ta.

THEIHTHAINA 22:7

Noh a tla nahta pathaih aw ta, cha khai tawhta hmo pathaihpazy a nie thei aw, chazy cha ano nie awpa a châpa vâta.

THEIHTHAINA 27:28

“Chyhsa ta a hmohneipa Abeipa lâta a hlâ hapa, chyhsapa tlyma, sahroh tlyma, râh tlyma cha zuah awpa châ leipa ta, chatlai awpa châ hra vei. Hlâ hapa hmo zydua cha, Abeipa châta pathaih ngaitapa a châ khai.

THEIHTHAINA 6:10

Theihthaipa ta pala rih dipa ta taopa chysia a tobi aw ta, a sapa khu nawpa ta pala rih dipa ta taopa chaopasy a pasy aw ta, maisâh liata raopa hlâna meipaohzy cha la aw ta, maisâh kâ liata a soh aw.

THEIHTHAINA 6:29

Theihthaipa chhôhkha laita chapaw zydua ta atheihna sa cha ama nie aw. Cha cha hmo pathaih ngaitapa a châ.

THEIHTHAINA 7:1

“He he thaileichâna hlâna taozie awpa ryhpa châ ta, hmo pathaih ngaitapa a châ:

THEIHTHAINA 7:6

Theihthaipa chhôhkha liata chapaw zydua ta nie aw ei ta, su pathaihpa liata nie awpa a châ. Cha cha hmo pathaih ngaitapa a châ.

MALUHREINA 18:19

Izarei sawzy ta chalopa hlâna ta Abeipa lâta ama hlâpa hmo pathaihpa zydua cha, nâ nata na sawchapawzy nata na sawchanôzy hnohta chhâzaw ta nama tovyuh châta ei cha pie ei. Cha cha nâ nata na hnohta a ypa na sawchapawzy nata na sawchanôzy châta, Abeipa hmiakô liata chhâzaw alôh biehrai a châ aw,” tah ta.

1 KAWRINI 9:13

Achhyna o rai hriatuhpazy cha, Achhyna o tawhta niepa hmô ei ta, maisâh liata chakaotuhpazy chhao, atheihna hlâpazy liata tovyuh ama hnei hra tahpa pahno veih ei chi mâ?