THEIHTHAINA 21:1 - Mara Bible RV (BSI)

¹ Abeipa ta Mawsi hnohta, “Arawna sawchapaw theihthaipazy chho la, ama hnohta hetana heta reih teh: Theihthaipa cha, a chiheihzy hry liata athihpa vâta â papuapalei awpa châ vei.

THEIHTHAINA 21:1 ပူးပေါင်းရင်းမြစ်များ

EZEKIA 44:25

“Theihthaipazy cha athihpa ri a hniapa ta amâ papuapalei awpa châ vei. Paw tlyma, nô tlyma, sawchapaw tlyma, sawchanô tlyma, unawhpa tlyma, sietanô a vahpa a hnei leipa tlyma a châ khiahta deikua cha, amâ papuapalei thei aw.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

THEIHTHAINA 19:28

Athihpa châta nama pôhpa nama â awpa châ leipa ta, nama pôhpa nama chapai awpa châ vei. Kei he Abeipa ei châ.

THEIHTHAINA 21:11

Athihpa ri yna liata â ngia awpa châ leipa ta, a nô tlyma, a paw tlyma vâta chhao â papuapalei awpa châ vei.

MALAKHAI 2:1

“Chavâta nâmo, theihthaipazy saih u, he biepiepa he nâmo châta a châ:

MALAKHAI 2:4

Livai hnohta ei biehrai â dua lymâ thei nawpa ta, he biepiepazy he ei cha pie ei tahpa pahno teh u,” Pheisaihzy Abeipa ta a tah.

MALUHREINA 19:11

“Athihpa ri a hriapa maih noh sari chhôh pathaih leipa a châ aw.

MALUHREINA 19:14

“He he poh o liata athipa ama y tita ryhpa awpa a châ: Poh o liata a ngiapa nata poh o chhôh liata a ypa maih noh sari chhôh pathaih leipa ama châ aw.

MALUHREINA 19:16

Ahy rai lyurâhpa liata zaozi ta thiepa tlyma, pihthi ta a thipa tlyma, chyhsa rupa tlyma, thlâ tlyma a hriapa maih cha, noh sari chhôh pathaih leipa a châ aw.

MALUHREINA 5:2

“Izarei sawzy chho la, ama hnohta hetana heta reih teh: Phawhpa tlyma, thihniah lohpa tlyma, athihpa vâta tlyma, pathaih leipa zydua riehmo tawhta papua khai awpa a châ.

MALUHREINA 6:6

“Abeipa châta â panano chhôh zydua athihpa ri â hnia awpa châ vei.