THEIHTHAINA 20:6 - Mara Bible RV (BSI)

⁶ “Apeihpazy nata ahripa lâta pachaona a taopazy pangaipa ta, âmo pazipa ta a sihryhpa cha, cha chyhsa cha a heihnao aw na ta, a phopi tawhta ei chhawh pathlah aw.

THEIHTHAINA 20:6 ပူးပေါင်းရင်းမြစ်များ

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

PUASAINA 22:17

Chanô paw ta a pahneisa khoh ngâsâ leipa khiahta cha, laihsa kôpazy nômâ zie sôh a pie pyly awpa a châ.

PUASAINA 22:18

“Dyuthaipa chanô na pahlôh awpa châ vei.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ZEREMIAH 44:11

“Chavâta Pheisaihzy Abeipa, Izarei Khazohpa ta hetana heta a tah: Pachâ teh u, cha parao awpa ta châ heihnao aw ei na ta, Zudâh pathla zydua ei chhawh pathlah khai ha aw ei.

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 19:26

“A thisaih chhaota khâpa hmah nama nie awpa châ vei. Dyuzy nama tao awpa châ leipa ta, pachaopazy nama hmâ awpa châ vei.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

THEIHTHAINA 20:27

“Chapaw rai, chanô rai, peihthaipa nata ahripa lâta pachaona a taopa cha thie thlyu awpa châ ta, alô ta vawhsao awpa a châ. Ama thisaih maoh ama phaoh aw,” tah ta.

THEIHTHAINA 20:5

cha chyhsa nata a phoheihzy cha keima tlai ta a heihnao aw ei na ta, ano chhao, Môleka lâ â zuana kyh liata ano a pazituhpa zydua chhao, ama phopi tawhta ei chhawh pathlah aw ei.

MALUHREINA 15:39

Chysia pai pangiasana cha moh tyh aw ei chi ta, Abeipa biepiepa zydua a theipa ta nama zyh lymâ nawpa châta châ aw ta, chatanachata nama palôh nata nama mo ta a khopa lâ sie leipa aw ei chi ta, nama sihryh tyhna lâ tlei leipa ta nama y thei aw.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.