THEIHTHAINA 20:27 - Mara Bible RV (BSI)

²⁷ “Chapaw rai, chanô rai, peihthaipa nata ahripa lâta pachaona a taopa cha thie thlyu awpa châ ta, alô ta vawhsao awpa a châ. Ama thisaih maoh ama phaoh aw,” tah ta.

THEIHTHAINA 20:27 ပူးပေါင်းရင်းမြစ်များ

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

PUASAINA 22:18

“Dyuthaipa chanô na pahlôh awpa châ vei.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

THEIHTHAINA 20:2

“Izarei sawzy hetana heta chho heih teh: Izarei saw tlyma, Izarei râh liata a pahrâpa chihropa tlyma, a saw Môleka lâta a piepa cha thie thlyu awpa châ ta, râh chyhsa zawpi ta alô ta vawhsao awpa a châ.

THEIHTHAINA 20:6

“Apeihpazy nata ahripa lâta pachaona a taopazy pangaipa ta, âmo pazipa ta a sihryhpa cha, cha chyhsa cha a heihnao aw na ta, a phopi tawhta ei chhawh pathlah aw.

THEIHTHAINA 24:14

“Chhiesatuhpa kha riehmo khôtho lâ a chhi u la, a biereipa a theipa zydua ta a luh liata ama ku pahnieh ei sala, zawpi zydua ta alô ta vawh mawh ei sy.

MALUHREINA 15:35

Abeipa ta Mawsi hnohta, “Cha chyhsa cha thie awpa a châ. Zawpi zydua ta riehmo khôtho liata alô ta ama vawhsao awpa a châ,” tah ta.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

RYHPACHANEINA 21:21

Cha khai tawhta khihsaw zydua ta alô ta vawhsao aw ei ta, cha hawhna chata hmo pha leipa cha nama hry tawhta nama pahlei awpa a châ. Cha thâtih cha Izarei zydua ta thei aw ei ta, ama chi aw.

1 SAMUELA 28:3

Samuela cha thi ha ta, Izarei zydua ta ano châta mâchhiesa ei ta, ano khih, Râmâ liata ama pabu hapa kha châ ta. Peihthaipazy nata dyuthaipazy chhao Sawla ta râh tawhta papua khai ha ta.