THEIHTHAINA 20:13 - Mara Bible RV (BSI)

¹³ Chyhsa ta chanô a ziakheipa hawhta chapaw â ziakhei khiahta cha, ama pano ta hmo pasichhih ngaitapa a taopa châ ei ta, thie thlyu awpa ama châ. Ama thisaih maoh ama phaoh aw.

THEIHTHAINA 20:13 ပူးပေါင်းရင်းမြစ်များ

ÂTHAONA 19:5

Lawta cha awsao ei ta, “Tazâ ta na o liata a vaw tlôpa chyhsazy kha khataih liata ama y? Âmo kha kaw papua teh, eima ykhei aw,” tah ei ta.

THEIHTHAINA 18:22

“Chanô a ziakheipa hawhta chapaw nâ ziakhei awpa châ vei. Pasichhihpa a châ.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

RYHPACHANEINA 23:17

“Izarei sawchanôzy hry liata nothlahpa achhyna o liata âzuahnô ta ama y awpa châ leipa ta, Izarei sawchapawzy hry liata chhao nothlahpa achhyna o liata âzuahpa ama y awpa châ vei.

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

RYUREITUHPAZY 19:22

Palôh thaphapa ta ama y hai nota, moh teh u, khihpi chyhsa moleipazy ta o cha vaw dôh ei ta, ochhi thata phy ei ta. O hneituhpa pawpipa hnohta, “Na o liata a vaw tlôpa chapaw kha vaw papua teh, eima ykhei aw,” tah ei ta.