THEIHTHAINA 2:3 - Mara Bible RV (BSI)

³ Niepa hlâna laibâhpazy cha Arawna nata a sawchapawzy châta a châ aw. Cha cha Abeipa lâta mei ta hlâpazy hry liata hmo pathaih chaipa a châ.

THEIHTHAINA 2:3 ပူးပေါင်းရင်းမြစ်များ

EZRÂ 2:63

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

PUASAINA 29:37

Noh sari chhôh aryhna taopa ta maisâh cha pathaisa aw chi ta, chatanachata maisâh cha hmo pathaih chaipa vaw châ aw ta, maisâh a hriapa maih ama pathaih lymâ aw.

EZEKIA 44:29

Niepa hlâna, moleina hlâna nata thaileichâna hlâna zy nie aw ei ta, Izarei liata hmo pathaihpa maih cha âmo eih a châ aw.

EZEKIA 46:20

Chyhsa chata ei hnohta, “He he theihthaipazy ta thaileichâna hlâna nata moleina hlâna ama chho nawpa su châ ta, niepa hlâna ama pakâh nawpa su a châ. Chatanachata hmohlâpazy cha dôhpachhôh khôtho tlyhmia lâ puakhei leipa aw ei ta, zawpizy chô liata pathaihna pakiasa aw veih ei,” tah ta.

THEIHTHAINA 10:15

A phei chalo awpa nata a palôh chaluah awpazy cha, chaluahpa hlâna châta Abeipa hmiakô liata chaluahpa a châ thei nawpa ta, mei ta hlâ awpa a thawzy chhaota ama vaw cheih aw. Abeipa biepiepa hawhta, cha cha nâ nata na sawchapawzy châta chhâzaw ta nama tovyuh a châ aw,” tah ta.

THEIHTHAINA 14:13

Moleina hlâna nata raopa hlâna ama thie tyhna su, supathaihpa liata mietakutaw chapawpa cha a thie aw. Moleina hlâna cha theihthaipa tovyuh a châpa hawhta, thaileichâna hlâna chhao theihthaipa tovyuh a châ hra. Cha cha pathaih ngaitapa a châ.

THEIHTHAINA 2:10

Niepa hlâna laibâhpazy cha Arawna nata a sawchapawzy châta a châ aw. Cha cha Abeipa lâta mei ta hlâpazy hry liata hmo pathaih chaipa a châ.

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 5:13

Cha hmozy hry liata kheihawhpa tlyma a parao hapa kyh liata, theihthaipa ta chatlaina taopa aw ta, chatanachata a ngiahthaipa a châ aw. A laibâhpazy cha, niepa hlâna taozie hawhta, theihthaipa châta a châ aw,” tah ta.

THEIHTHAINA 6:26

Moleina hlâna châta a hlâtuhpa theihthaipa ta nie aw ta, ahmaohna poh o dôhpachhôh tlyhmia su pathaihpa liata nie awpa a châ.

THEIHTHAINA 6:9

“Arawna nata a sawchapawzy hnohta hetana heta biepie teh: He he raopa hlâna taozie awpa ryhpa a châ: Raopa hlâna cha maisâh chô liata mei liata azozâkhihdei ta y aw ta, a mylâ taihta a y aw. Maisâh liata mei cha a ia ngâ thlâh awpa a châ.

THEIHTHAINA 7:7

Thaileichâna hlâna cha moleina hlâna nata a lyu ta, taozie miakha a châ. A sazy cha chatlaina a taotuhpa theihthaipa tovyuh a châ aw.

THEIHTHAINA 7:9

Viahchhâ taona beih liata taopa niepa hlâna to nata ukâ nata lômathu liata chateipa nata pakâhpa niepa hlâna zydua cha, a hlâtuhpa theihthaipa châta a châ aw.

MALUHREINA 18:9

Mei ta rao leipa hmohlâpa pathaihpazy cha na tovyuh a châ aw. Ama hmohlâpa to na tovyuh châ aw ta, ama niepa hlânazy, ama moleina hlânazy nata ama thaileichâna hlânazy cha nâ nata na sawzy châta nama tovyuh hmo pathaihpa a châ aw.

1 SAMUELA 2:28

Châ pathlatuhpa kha ei theihthaipa châ awpa ta Izarei chi zydua hry tawhta a tlyh na ta, ei maisâh kiah ta, ropahâhpa rao awpa nata ei hmiakô liata ephaw a ky awpa ta ei tlyhpa a châ. Izarei sawzy tawhta mei ta raopa hlâpa zydua chhao châ pathlatuhpa pathlazy hnohta ei pie khai ei