THEIHTHAINA 2:2 - Mara Bible RV (BSI)

² Arawna sawchapaw theihthaipazy lâ a vawkhei aw. Theihthaipa ta viahdie dipa cha a sathaw nata a deiryh zydua chhaota, pazah kha la aw ta, cha cha atheithlâhna hmo a châ aw. Niepa zydua hlâ khaipa a châzie a thei thlâh ha nawpa ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 2:2 ပူးပေါင်းရင်းမြစ်များ

NEHEMIAH 13:14

Hy ei Khazohpa, he kyh liana heta nâ thei thlâh ha la, ei Khazohpa o nata a chakaona châta ei hmotao phapazy he pahlei khah y.

NEHEMIAH 13:22

Livai pathlazy cha a pathai ta, Pahânoh pathaisa awpa ta, chhikaozy cha vaih awpa ta biepie ei na ta. Hy Khazohpa y, he kyh liana chhao heta nâ thei thlâh ha la, na zawngiahna hluh ngaitapa vâta rie na pahlôh mah y.

PUASAINA 30:16

Hrona chatlaina sôh cha Izarei sawzy tawhta la aw chi ta, ahmaohna poh o liata chakaona rai hria nawpa châta na pie aw. Chatanachata nama hrona chatlai nawpa ta nama piepa a châzie Izarei sawzy ta Abeipa hmiakô liata namâ thei thlâhna a châ aw,” tah ta.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:17

A mathlawzy chamieh pachhô aw ta, a pachhaih deikua pachhaih pathlah awpa châ vei. Hmohlâpa cha theihthaipa ta maisâh mei tho chô liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 2:16

Theihthaipa ta sâh tly chiehpa cha, sathaw nata deiryh zydua chhaota atheithlâhna châta a rao aw. Cha cha Abeipa lâta mei ta hmohlâpa a châ.

THEIHTHAINA 2:9

Niepa hlâna tawhna chata theihthaipa ta atheithlâhna hmo la aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 24:7

Viahchhâ chô liana cha, a tlâh no liata deiryh pasoh ngaitapa soh aw chi ta, cha cha viahchhâ vyuhpa ta atheithlâhna hmo châta châ aw ta, Abeipa lâta mei ta hmohlâpa a châ aw.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 5:11

“Vachhuh pô no tlyma, pivawtaw pô no tlyma a pachâ thei leipa khiahta cha, a moleina chatlai nawpa ta, moleina hlâna châta viahdie di ngaitapa kachu su hrawh su kha a hlâ awpa a châ. Moleina hlâna a châpa vâta, sathaw a bao awpa châ leipa ta, a chô liata deiryh a soh awpa châ hra vei.

THEIHTHAINA 5:12

Theihthaipa lâ cheih aw ta, theihthaipa ta atheithlâhna hmo châta pazah kha la aw ta, maisâh chô liata Abeipa lâta mei ta hmohlâpa chô liata a rao aw. Cha cha moleina hlâna cha a châ.

THEIHTHAINA 6:15

Hlâtuhpa ta niepa hlâna liatapa viahdie dipa pazah kha nata sathaw nata niepa hlâna chô liata deiryh zydua la aw ta, cha cha atheithlâhna hmo châta maisâh liata a rao aw. Cha cha Abeipa châta ropahâh ngaitapa a châ.

MALUHREINA 5:18

Theihthaipa ta chanô cha Abeipa hmiakô liata paduasa aw ta, a sâ pathliahsa aw ta, atheithlâhna niepa hlâna cha a ku liata a chabasa aw. Cha cha hiatliana niepa hlâna châ ta, theihthaipa ta chhiesana a patlôsapa ti khapa a ku liata â chaba aw.

MALUHREINA 5:26

Theihthaipa ta atheithlâhna hmo châta niepa hlâna cha pazah kha la aw ta, maisâh liata rao aw ta, cha khai tawhta ti cha chanô a padosa aw.

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.