THEIHTHAINA 2:16 - Mara Bible RV (BSI)

¹⁶ Theihthaipa ta sâh tly chiehpa cha, sathaw nata deiryh zydua chhaota atheithlâhna châta a rao aw. Cha cha Abeipa lâta mei ta hmohlâpa a châ.

THEIHTHAINA 2:16 ပူးပေါင်းရင်းမြစ်များ

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 2:12

Niepa hlânazy cha thei hmiatuapa hlâpa hawhta Abeipa lâta hlâ aw chi ta, maisâh liata ropahâhpa hlâna châta deikua hmâ awpa châ vei.

THEIHTHAINA 2:14

“Thei hmiatuapa tawhta niepa hlâna Abeipa lâta na hlâ khiahta cha, sâh suh a daih tuachaipazy hry tawhta tai aw chi ta, cha cha mei liata zawh aw chi ta, tly aw chi ta, a sâh cha na hlâ awpa a châ.

THEIHTHAINA 2:15

Sathaw bao aw chi ta, a chô liata deiryh na soh aw. Cha cha niepa hlâna a châ.

THEIHTHAINA 2:9

Niepa hlâna tawhna chata theihthaipa ta atheithlâhna hmo la aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.