THEIHTHAINA 2:13 - Mara Bible RV (BSI)

¹³ Niepa hlâna zydua alôh mia khai aw chi ta, na Khazohpa biehrai alôh cha, niepa hlâna liata iah leipa ta a y awpa châ vei. Na hmohlâpa zydua liata alôh na hlâ pâ lymâ awpa a châ.

THEIHTHAINA 2:13 ပူးပေါင်းရင်းမြစ်များ

2 THÂTIHZYRONA 13:5

Izarei bei châna cha Dâvi nata a sawchapawzy hnohta, Izarei Khazohpa Zehôvâh ta alôh ta biehraipa ta, chhâzaw châta a piepa a châ tahpa a pahnopa châ veih ei chi ma?

EZRÂ 7:22

Tâkâ talent 100, sâh bai 100, kresawhti tibyh 100, sathaw tibyh 100 nata alôh zy a mâ leipa ta nama vaw pie lymâ aw.

PUASAINA 30:35

cha cha ropahâhpa taotuhpa taozie hawhta taopa ta, alôh mia aw chi ta, ropahâhpa pasohpa nata pathaih ngaitapa na tao aw.

EZEKIA 43:24

Chazy cha Abeipa hmiakô liata hlâ aw chi ta, theihthaipa ta alôh mia aw ta, Abeipa lâta raopa hlâna châta a hlâ aw.

MALUHREINA 18:19

Izarei sawzy ta chalopa hlâna ta Abeipa lâta ama hlâpa hmo pathaihpa zydua cha, nâ nata na sawchapawzy nata na sawchanôzy hnohta chhâzaw ta nama tovyuh châta ei cha pie ei. Cha cha nâ nata na hnohta a ypa na sawchapawzy nata na sawchanôzy châta, Abeipa hmiakô liata chhâzaw alôh biehrai a châ aw,” tah ta.

MATHAI 5:13

“Chhaohlei alôh nama châ. Alôh cha a padâh ha khiahta cha, kheihta a iah thei khao aw? Khâpa châta hmah phahnai khao leipa aw ta, thy ta phei ta tlypâ awpa dei a châ aw.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.