THEIHTHAINA 2:1 - Mara Bible RV (BSI)

¹ “Chyhsa ta Abeipa lâ niepa hlâna a hlâ tita, viahdie dipa a hlâ awpa a châ. Sathaw bao aw ta, a chô liata deiryh soh aw ta,

THEIHTHAINA 2:1 ပူးပေါင်းရင်းမြစ်များ

PUASAINA 29:2

viahdie dipa hmâpa ta viahchhâ puahpa thinô pahlao leipa, sathaw pahlaopa viahchhâ thlôhpa thinô pahlao leipa nata sathaw hniapa viahchhâ apapa thinô pahlao leipazy na tao aw.

ISAI 43:23

Raopa hlânazy châta, Mietakuzy na vaw cheipa leipa chi ta; Atheihna hlâpa ta, Na palyupalih hra va chi. Hmohlâpazy hneibeiseihpa ta, Na phao cha pahri beih leipa na ta; Ropahâhpa hnabeiseihpa ta, Na rie cha pathei beih hra va na.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

EZEKIA 46:20

Chyhsa chata ei hnohta, “He he theihthaipazy ta thaileichâna hlâna nata moleina hlâna ama chho nawpa su châ ta, niepa hlâna ama pakâh nawpa su a châ. Chatanachata hmohlâpazy cha dôhpachhôh khôtho tlyhmia lâ puakhei leipa aw ei ta, zawpizy chô liata pathaihna pakiasa aw veih ei,” tah ta.

ZÔELA 1:9

Niepa hlâna nata dopa hlânazy Abeipa o liata dia ha ta; Theihthaipazy mâchhiesa ei ta, Abeipa chakaotuhpazy mâchhie ama sa.

ZÔELA 2:14

Abeipa nama Khazohpa cha, A ngiapachhi leipa aw ta, A palôh panano aw vei tahpa ahy ma a pahno ei chi? Niepa hlâna nata dopa hlânazy Ano lâ nama hlâ thei nawpa ta, Byhnâzy cha siesaipa aw veih ei tahpa chhao, Ahy ma a pahno ei chi?

THEIHTHAINA 14:10

“A noh chariena noh ta mietakutaw chapawpa seina hnei leipa pô no, mietakutaw chanôpa kô khapa seina hnei leipa pô kha nata niepa hlâna châta viahdie dipa sathaw pahlaopa kachu su hrawh su thôh nata sathaw chhiehraôh ôh kha a hlâ aw.

THEIHTHAINA 24:7

Viahchhâ chô liana cha, a tlâh no liata deiryh pasoh ngaitapa soh aw chi ta, cha cha viahchhâ vyuhpa ta atheithlâhna hmo châta châ aw ta, Abeipa lâta mei ta hmohlâpa a châ aw.

THEIHTHAINA 5:11

“Vachhuh pô no tlyma, pivawtaw pô no tlyma a pachâ thei leipa khiahta cha, a moleina chatlai nawpa ta, moleina hlâna châta viahdie di ngaitapa kachu su hrawh su kha a hlâ awpa a châ. Moleina hlâna a châpa vâta, sathaw a bao awpa châ leipa ta, a chô liata deiryh a soh awpa châ hra vei.

THEIHTHAINA 6:7

Theihthaipa ta Abeipa hmiakô liata chatlaina taopa aw ta, chatanachata a hmotaopa vâta a thaileichâna cha a ngiahthaipa a châ aw,” tah ta.

THEIHTHAINA 9:17

Cha khai tawhta niepa hlâna cheih ta, cha tawhtapa cha pazah kha la ta, maisâh liata rao ta, cha cha mydi ta raopa hlâna hleikhô ta hlâ baichhipa a châ.

THEIHTHAINA 9:4

Abeipa hmiakô liata aryhna hlâna atheihna châta viahchao tôhpa nata mietaku tôhpa cheih hra u la, sathaw pahlaopa niepa hlâna chhao cheih u la, Abeipa lâ hlâ teh u. Tanoh he nama hnohta Abeipa â vaw luah aw,’ tah mah y,” tah ta.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MALUHREINA 18:9

Mei ta rao leipa hmohlâpa pathaihpazy cha na tovyuh a châ aw. Ama hmohlâpa to na tovyuh châ aw ta, ama niepa hlânazy, ama moleina hlânazy nata ama thaileichâna hlânazy cha nâ nata na sawzy châta nama tovyuh hmo pathaihpa a châ aw.

MALUHREINA 28:5

Niepa hlâna châta viahdie dipa kachu su hrawh su kha nata sathaw saohpa chhiehraôh ôh kha hlâ pâ awpa a châ.

MALUHREINA 29:18

Amâ chakaihpa niepa hlâna nata dopa hlânazy cha, taozietyhpa nata sahroh hlâpa zie lymâ hawhta, viahchao tôhpa châta zy, mietaku tôhpa châta zy, mietakutaw châta zy nama hlâ aw.

MALUHREINA 7:13

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

MALUHREINA 7:19

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

MALUHREINA 8:8

Chatawhcha viahchao tôh dawpa pô kha, niepa hlâna viahdie dipa sathaw pahlaopa chhaota a chhi aw ei ta, moleina hlâna châta viahchao tôh dawpa pô kha nâ chhi pâ aw.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

ZUDÂH 1:20

Kho ngaitapa saih u, nâmo deikua la, namâ ngiapâna pathaih ngaitapa liata nâmosasyh tha a patlô u la, Thlahpa Pathaihpa ta thlahchhâ muh vy.

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.