THEIHTHAINA 19:4 - Mara Bible RV (BSI)

⁴ Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

THEIHTHAINA 19:4 ပူးပေါင်းရင်းမြစ်များ

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

1 THÂTIHZYRONA 16:26

Phopizy khazoh zydua cha nothlahpazy dei châ ei ta, Abeipa deikua cha avâzy a taotuhpa a châ.

2 THÂTIHZYRONA 28:2

Izarei beizy lâpi tlao a chhihpa ta, Bâlâ khazoh nothlah leihpazy tao ta.

HLAZY 96:5

Phopizy khazoh zydua cha nothlahpazy dei châ ei ta, Abeipa deikua cha avâzy a taotuhpa a châ.

PUASAINA 20:23

Keima leipa ta khazoh hropazy nama hnei awpa châ vei. Tâkâ khazohzy tlyma, ngôh khazohzy tlyma, nâmo châta nama tao awpa châ vei.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 34:17

“Thua ta leihpa nothlahpa khazohzy na tao awpa châ vei.

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 19:25

A kô pangawhna kô ta a theilâpazy nama nie thei aw. Chatanachata theilâpa kôzy cha nama châta a pathei hluh via lymâ aw. Kei he Abeipa nama Khazohpa ei châ.

THEIHTHAINA 19:5

“Abeipa lâta aryhna hlâna atheihna namâ hlâ tita, a pyhpa nama châ thei nawpa ta nama hlâ awpa a châ.

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

HÂKAI 2:18

“Tanoh tawhna heta pakhâta ta pachâ teh u. He thla chakina, noh kih nata noh palihna noh, Abeipa Achhyna o sa nawpa châta lôbô bô noh tawhna heta pakhâta ta pachâ teh u.

1 KAWRINI 10:14

Chavâta kho ngaitapazy saih u, nothlahpa achhyna a râsai teh u.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 4:16

Chavâta namâ chhy awpa nothlahpa taopa ta nama molei tlamaw lei nawpa ta a vaih teh u. Kheihawhpa nothlahpa rai, chapaw a lyupa tlyma, chanô a lyupa tlyma,

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

1 ZAWHÂNA 5:21

Sawzy saih u, khazoh nothlahpa tawhta a panano teh u.