THEIHTHAINA 19:36 - Mara Bible RV (BSI)

³⁶ Khopathliahna dopa, khopathliahna lô dopa, kachu dopa, chhiehraôh dopa nama hmâ awpa a châ. Kei he Abeipa nama Khazohpa, Izi râh tawhta châ chhi papuatuhpa ei kha ei châ.

THEIHTHAINA 19:36 ပူးပေါင်းရင်းမြစ်များ

1 THÂTIHZYRONA 23:29

Tlâhkhai liata viahchhâ chaluah awpa patohpatiana kyh liata zy, niepa hlâna viahdie patohpatiana kyh liata zy, viahchhâ thinô pahlao leipa châta viahchhâ papa patohpatiana kyh liata zy, viahchhâ pakâhpa hlâ awpa patohpatiana kyh liata zy, sathaw pahlaopa hmohlâpa patohpatiana kyh liata zy, a hluhna nata a laina panuana kyh zy liata chhao, Arawna pathlazy baotuhpa ama châ.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

BIESOZY 11:1

Khopathliahna doleipa cha Abeipa châta hmo pasichhihpa châ ta, Khopathliahna dopa deikua cha â ly tyh.

BIESOZY 16:11

Khopathliahna dopa nata thliena dopa zy he Abeipa eih châ ta, Sykhao liata khopathliahna lô zydua chhao ano taopa sai a châ.

BIESOZY 20:10

Khopathliahna lô doleipa nata thliena ri doleipa zy cha, A miano ta Abeipa châta pasichhihpa a châ.

EZEKIA 45:10

“Khopathliahna dopa nama hmâ awpa a châ. Kachu dopa hmâh u la, tibyh dopa hmâh teh u.

THEIHTHAINA 11:45

Kei he nama Khazohpa châ awpa ta Izi râh tawhta châ kaw chhi papuatuhpa Abeipa ei châ. Kei pathaih tlôh na ta, chavâta nâmo chhao nama pathaih awpa a châ.

THEIHTHAINA 19:37

Chavâta ei bieraopa zydua nata ei ryhpa zydua a pyh aw ei chi ta, nama zyh awpa a châ. Kei he Abeipa ei châ,” tah ta.

MIKÂ 6:11

Khopathliahna doleipa a hmâhpa cha, Thai ei pachâsa aw ma? A sahria liata khopathliahna lô doleipa a khôpa cha, Thai ei pachâsa aw ma?

ZEKARIA 5:6

Kei ta, “Khi khi khâpa ma a châ tly?” tah na ta. Ano ta, “Kha kha panuana hrâbyh châ ta, a râh pôhpalôhpa liata ama paraona a châ,” tahpa ta nâ chhy ta.