THEIHTHAINA 19:32 - Mara Bible RV (BSI)

³² “Luh pawhpa hmiakô liata nâ duah tyh awpa châ ta, machâpa hmia za aw chi ta, Khazohpa na chi awpa a châ. Kei he Abeipa ei châ.

THEIHTHAINA 19:32 ပူးပေါင်းရင်းမြစ်များ

ÂTHAONA 31:35

Râkheli ta a paw hnohta, “Na hmiakô liata ei thyu thei leipa vâna heta, ei beipa, na hiehâh khah sy. Chanô châna ei hnei daihti a châpa vâta na a châ,” tah ta. Tlua lymâ ta, châhrasala khazoh nothlahpazy cha hmô leipa ta.

ÂTHAONA 48:12

Zawsi ta a sawchapawzy cha a paw pakhu likawh tawhta pasie ta, alei lâ a bôh ta, a paw cha a naoh ta.

1 ABEIZY 2:19

Bâsebâ cha Adôniza hmo hiapa chhopa awpa ta Bei Sawlawmaw lâ vawh ta. Abei cha kaw thyu ta, a nô cha a vaw ly ta, a hmiakô liata a bôh ta. A beidyuchhai liata a tyuh heih ta, abei nô châta dyuchhai palasa ta, Bâsebâ cha abei chachâh lâta a tyuh ta.

2 ABEIZY 17:36

A hmotaotheina rônahpa nata bâh pazawhpa ta Izi râh tawhta châ kaw chhipapuatuhpa Abeipa deita nama chi awpa a châ. Ano cha namâ chhy awpa châ ta, ano lâta namâ theih awpa a châ.

ZAWBÂ 32:4

Âmo cha ano hlâta uhthei viapa ama châpa vâta, Elihu ta âmo pareisa tua ta, ano cha daihti rypaohpa a hâpa a châ.

ZAWBÂ 32:6

Chatawhcha Buzi chyhsa Barâkhe sawchapawpa Elihu ta Zawbâ cha a chhy ta: “Kei cha kô hawtipa châ na ta, Nâmo cha kô uhtheipa nama châ; Chavâta chi na ta, Ei pachâzie chhao cha chho ngâh veih ei na.

BIESOZY 16:31

Luh pawhpa cha rônahna lakho châ ta, Siana hro vâta hmôpa a châ.

BIESOZY 20:29

Satliapazy rônahna cha ama thatlôna châ ta, Pawpipazy angiana deikua cha ama luh pawhpa a châ.

BIESOZY 23:22

Châ satuhpa na paw bie nathlie la, Na nô a nôpi tita mohnao khah y.

ISAI 3:5

Chyhsazy amâ tlybai raihrie aw: Ama chyhsa châ lâhpazy tlybai aw ei ta, Ama vaihzy ama tlybai aw. Thyutliapa ta machâpa chô liata sâlâ kaw aw ta, Chyhsa nawhpa chhao zachhihpa chô liata a sâlâ kaw aw.

CHAPHÔHTUNA 5:12

Beimachâzy cha ama ku liata buhpa ta bangieh ei ta, Machâzy chô liata zana palâsa khao veih ei.

THEIHTHAINA 19:14

“Nahpâpa chhie na sapa awpa châ leipa ta, mochaopa hmiakô liata chapiasana na so awpa châ vei. Na Khazohpa na chi awpa a châ. Kei he Abeipa ei châ.

RAWMA 13:7

Chyhsa zydua lâta pie awpa maih pie lymâ teh u. Chhie pie awpa lâta chhie pie u la, leimâ chei awpa lâta leimâ cheih u la, za awpa cha za u la, palyupalih awpa cha palyupalih teh u.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

1 PITY 2:17

Chyhsa zydua za u la, unawhzy kyhpachâ u la, Khazohpa chi u la, abei cha za teh u.