THEIHTHAINA 19:3 - Mara Bible RV (BSI)

³ Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

THEIHTHAINA 19:3 ပူးပေါင်းရင်းမြစ်များ

ÂTHAONA 48:12

Zawsi ta a sawchapawzy cha a paw pakhu likawh tawhta pasie ta, alei lâ a bôh ta, a paw cha a naoh ta.

NEHEMIAH 9:14

Na Pahânoh pathaihpa thâtih âmo pahnosa chi ta, châ chakaotuhpa Mawsi hmâpa ta biepiepazy, bieraopazy nata ryhpazy na pie ei.

PUASAINA 16:29

Pachâ teh u, Abeipa ta Pahânoh cha pie ei ta, chavâta noh charuna noh ta, noh no a khi awpa viahchhâ a cha pie ei. Chyhsa to âmo su chyu liata y khai mawh ei sy. Noh sarina noh cha ahy hmahta a yna su tawhta khô pua cheita khah sy,” tah ta.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

PUASAINA 20:8

“Pahânoh a thei thlâh ha aw chi ta, na pathaisa awpa a châ.

PUASAINA 21:15

“A nô tlyma, a paw tlyma a tupa cha, thie awpa a châ.

PUASAINA 21:17

“A nô chô liata tlyma, a paw chô liata tlyma chhie a sapa cha, thie thlyu awpa a châ.

BIESOZY 1:8

Ei sawchapawpa y, na paw chhoreina bie nathlie la, Na nô pachuna bie a heihsai khah y;

BIESOZY 23:22

Châ satuhpa na paw bie nathlie la, Na nô a nôpi tita mohnao khah y.

BIESOZY 30:11

Ama pawzy chô liata chhie a sapazy y ei ta, Ama nôzy byhnâ a awpa leipazy chhao ama y.

BIESOZY 30:17

Paw a mohnaopa mokhaoh nata Nô a nawhtawpa mokhaoh cha, Saikao raawhzy ta thaoh aw ei ta, Vâkhiehzy ta ama nie aw.

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

EZEKIA 20:12

Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 19:25

A kô pangawhna kô ta a theilâpazy nama nie thei aw. Chatanachata theilâpa kôzy cha nama châta a pathei hluh via lymâ aw. Kei he Abeipa nama Khazohpa ei châ.

THEIHTHAINA 19:30

Ei Pahânohzy chay aw ei chi ta, ei supathaihpa nama chiza awpa a châ. Kei he Abeipa ei châ.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

THEIHTHAINA 26:2

Ei Pahânohzy chay aw ei chi ta, ei supathaihpa nama chiza awpa a châ. Kei he Abeipa ei châ.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

RYHPACHANEINA 27:16

“A nô tlyma, a paw tlyma a za leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 5:16

“Abeipa na Khazohpa ta bie a cha piepa hawhta, na nô nata na paw palyupalih teh. Chatanachata Abeipa ta râh a cha piepa liata vânoh to aw chi ta, na hro a pareih aw.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?