THEIHTHAINA 19:17 - Mara Bible RV (BSI)

¹⁷ “Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

THEIHTHAINA 19:17 ပူးပေါင်းရင်းမြစ်များ

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

2 SAMUELA 13:22

Absalaw deikua cha Amanaw hnohta bie chhiepa tlyma, bie phapa tlyma, khâpa hmah reih leipa ta, a sietanô Tâmâri noh a pazaopa vâta, Absalaw ta Amanaw cha a hao ngaita ta.

NEHEMIAH 13:17

Chavâta Zudâh nôpawpazy cha a padai ei na ta, ama hnohta, “Khazia Pahânoh papuapaleipa ta hmo moleipa nama tao?

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

BIESOZY 9:8

Akhotlâh kawpa chyhsa la ra hlei khah y, A châ hao pathlei aw na; Chyhsa sopa ra la, Kyh a cha pachâ aw.

LUKA 17:3

 vaih teh u! Na unawhpa ta hmo a parao khiahta cha, chhorei la, a ro khiahta cha, a ngiahthai mah y.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

1 KAWRINI 5:2

Nâmo deikua cha a patahtheisana ta nama hmâh cha! Mâchhiesapa ta tlao y u la, cha hawhpa hmo a taopa cha nama hry tawhta nama papua ha awpa châ vei ma?

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

1 TIMAWTHY 5:20

Moleina taotuhpazy cha, zawpi hmiakô liata chhorei la, chatanachata mohropazy chhao ta ama chi aw.

1 TIMAWTHY 5:22

Chyhsa chô liata ku pahnieh awpa ta a para leipa la, mohropazy moleina liata a hlao leipa la, pathaihpa ta y mah y.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

TITU 1:13

Cha bie cha â do. Chavâta ngiapâna liata â dopa ta ama y thei nawpa ta, a pasa kawpa ta âmo cha chhorei mah y.

TITU 2:15

Cha biezy cha pachupa ta, pasyu la, biehneina zydua chhaota chhorei mah y. Ahy hmahta cha mohnao khah ei sy.

1 ZAWHÂNA 2:11

A unawhpa, a haotuhpa deikua cha zohna liata y ta, zohna liata a charei. Zohna ta a mo a pachaosapa vâta khataih lâ ma a sie tahpa chhao pahno vei.

1 ZAWHÂNA 2:9

Khaihna liata a ypa hawhta a reih tlôh ta, a unawhpa a haopa cha, zohna liata a y thlâh ha chy.