THEIHTHAINA 19:11 - Mara Bible RV (BSI)

¹¹ “Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

THEIHTHAINA 19:11 ပူးပေါင်းရင်းမြစ်များ

2 SAMUELA 17:20

Absalaw chakaotuhpazy cha chanô o lâ vawh ei ta, a hnohta, “Ahimazi nata Zawnathâ kha khataih liata ma ama y?” tah ei ta. Chanô ta ama hnohta, “Chavah ama chaka bâ aw,” tah ta. Tlua ei ta, hmô leipa ei ta, Zerusale lâ a lie ha heih ei ta.

1 ABEIZY 13:18

Hrohsopa ta a hnohta, “Kei chhao he nâ hawhta hrohsopa ei châ hra. Vâlyuhchâpa ta ei hnohta, ‘Viahchhâ zy niepa ta, ti zy doh awpa ta, na hnohta na o lâ a chhi mah y,’ tahpa ta Abeipa bie ta eina chho,” tah ta. Cha cha haipa bie a chhopa a châ.

HLAZY 101:7

Dôvei hmâhpa chyhsa cha, Ei o chhôh liata pahrâ leipa aw ta; Haipa bie a reihpa chhao, Ei mohmô liata y aw vei.

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

PUASAINA 20:15

Na paru awpa châ vei.

PUASAINA 20:16

Haipa ta na vaih na leih awpa châ vei.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

PUASAINA 22:1

“Chyhsa ta viahchao tôhpa tlyma, mietaku tlyma paru sala, a thie khiahta tlyma, a zuah khiahta tlyma, viahchao tôhpa pô kha vyuhpa ta viahchao tôhpa pô pangawh thô aw ta, mietaku pô kha vyuhpa ta mietaku pô palih a thô aw.

PUASAINA 22:7

“Chyhsa ta a tâkâ tlyma, a hmo tlyma, a vaih pavaosa sala, cha o tawhta chyhsa ta paru sala, parutuhpa cha hmôpa a châ khiahta cha, a lie no ta a thô awpa a châ.

PUASAINA 23:1

“Bie pathâhpa doleipa na rei pachhuah awpa châ vei. Pahnokheituhpa haiphiahpa châ awpa ta, moleipa hry liata nâ hlao awpa châ vei.

BIESOZY 24:28

A chhâpa y leipa ta na vaih kyh liata pahnokheituhpa ta y leipa la, Na hmao ta dôvei khah y.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

THEIHTHAINA 19:10

Nama kre sadô kâmo nama thoh awpa châ leipa ta, nama kre sadô liata kre zôpa namâ huah awpa châ vei. Dyhchhiepa nata chihropazy châta nama pahlôh awpa a châ. Kei he Abeipa nama Khazohpa ei châ.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

RYHPACHANEINA 5:19

“Na paru awpa châ vei.

KAOLAOSÂ 3:9

Nama chyhsa parohpa cha a hmotaopazy chhaota nama pahluh hapa vâta, haipa bie a chho raihrie khao khuh vy.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.