THEIHTHAINA 19:10 - Mara Bible RV (BSI)

¹⁰ Nama kre sadô kâmo nama thoh awpa châ leipa ta, nama kre sadô liata kre zôpa namâ huah awpa châ vei. Dyhchhiepa nata chihropazy châta nama pahlôh awpa a châ. Kei he Abeipa nama Khazohpa ei châ.

THEIHTHAINA 19:10 ပူးပေါင်းရင်းမြစ်များ

ISAI 17:6

Ôli kô chakhyh nota, A kithlao a sâh chaipa liata a thei miano miathôh â nguapa hawhta, Theilâpa lyu khai tawhta, A chiah liata a thei miapalih miapangawh â nguapa hawhta, Cha liata kâmo thoh awpa a y aw, Abeipa Izarei Khazohpa ta a tah.

ISAI 24:13

Alei liah liata phopizy hry liata, Hetana heta a vaw tlô aw; Ôli kô a thei chakhyh khaipa hawhta châ aw ei ta, Kre thei lyu khai tawhta kâmo thohpa hawhta ama châ aw.

ZEREMIAH 49:9

Kre thei lyutuhpazy nâ lâ a vy ei sala, Kâmo thoh awpa kre thei siesai aw veih ei ma? Zâ ta parutuhpazy a vy ei sala, Ama khopa rakha deita hrao aw veih ei ma?

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

THEIHTHAINA 19:25

A kô pangawhna kô ta a theilâpazy nama nie thei aw. Chatanachata theilâpa kôzy cha nama châta a pathei hluh via lymâ aw. Kei he Abeipa nama Khazohpa ei châ.

THEIHTHAINA 19:9

“Nama râh liata sâh nama hria tita, nama lyu chhâna taihta nama hria khai awpa châ leipa ta, a kâmo chhao nama thoh awpa châ vei.

THEIHTHAINA 23:22

“Nama lyu liata sâh nama hria tita, nama lyu chaki chakô taihta nama hria khai awpa châ leipa ta, kâmo chhao nama thoh awpa châ vei. Dyhchhiepa nata chihropazy châta nama pahlôh awpa a châ. Kei he Abeipa nama Khazohpa ei châ,” tah ta.

THEIHTHAINA 25:6

Râh â pahâ kô ta chicheipa a patheipazy cha nama nie chhyhpa châta a châ aw. Nâ nata na seichapaw nata na seichanôzy, châ hriahlaopazy, na hnohta a ypa chihropazy,

ÔBADIA 1:5

Parutuhpazy nâ lâ a vy ei sala, Hraotuhpazy zâ ta amâ vy khiahta cha, Amâ ngiahpa hlâta hluhvia ama la aw ma? Kre thei lyutuhpazy nâ lâ a vy ei sala, Kâmo thoh awpa siesai leipa ta ama y aw ma? Nâ deikua cha hrao khaipa na châ haw.

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

RYHPACHANEINA 24:19

“Nama lyu liata sâh nama hria nota, lyu liata sapiah nama my khiahta cha, la awpa ta nama kuahnao awpa châ vei. Mapaihpazy, paw hnei leipazy nata nôhmeizy châta nama siesai awpa a châ. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 24:20

Nama ôli thei nama lyu tita, nama lyu bâhpazy nama kuahnao awpa châ vei. Mapaihpazy, paw hneileipazy nata nôhmeizy châta nama siesai awpa a châ.

RYHPACHANEINA 24:21

Nama kre sadô liata kre thei nama lyu tita, kâmo nama thoh awpa châ vei. Mapaihpazy, paw hnei leipazy nata nôhmeizy châta nama siesai awpa a châ.

RYUREITUHPAZY 8:2

Kidia ta ama hnohta, “Nâmo hlâta khâpa ma ei tao via hlei? Epharai mo kre thei kâmo thohpa rakhapa hmahta Abieze mo kre thei lyupa zydua hlâta hluh via vei ma?

RUTHI 2:2

Môabâ zuah Ruthi ta Naomi hnohta, “Lyu lâ sie aw na ta, a mohmô liata ngiachhiena ei hlaopa lyu liata kâmo ei kei tho aw,” tah ta. Naomi ta a hnohta, “Ei sawchanô y, sie mah y,” tah ta.