THEIHTHAINA 18:3 - Mara Bible RV (BSI)

³ Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

THEIHTHAINA 18:3 ပူးပေါင်းရင်းမြစ်များ

2 ABEIZY 17:8

Abeipa ta Izarei sawzy hmiakô liata a papua hapa phopizy taozie nata Izarei beizy tao tyhpa hmo pha leipazy ama taopa vâta a châ.

HLAZY 106:35

Râh hropazy nata a pahlao ei ta, Ama hmotaozie hâ amâ la.

PUASAINA 23:24

Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

EZEKIA 23:8

Izi râh liata a y no tawhta a pathao hapa a sihryhna kha bâhsai vei. A laihsa no tawhta chapawzy ta a ziakhei ei ta, a laihsa kôna sâhpizy hria ei ta, ama aohraohna sihryhna a chô liata ama lei thlu tyh.

THEIHTHAINA 20:23

Nama hmia lâta ei papua hapa phopi taoziezy nama zi awpa châ vei. Cha hmo zydua cha tao tyh ei ta, chavâta ei pasi ngaita ei.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RYHPACHANEINA 12:4

Âmo taozie hawhta, Abeipa nama Khazohpa cha namâ chhy awpa châ vei.

RYHPACHANEINA 29:17

Ama hmo pasichhihpazy hmô ei chi ta, tho nata lô, tâkâ nata ngôhzy ta taopa ama khazoh nothlahpazy chhao nama hmô.

RYHPACHANEINA 9:4

“Abeipa nama Khazohpa ta âmo cha nama hmiakô tawhta a cha papuapa khai tawh ei ta, nama palôh liata, ‘Eima siana vâta Abeipa ta he râh he hnei awpa ta miah â kaw chhi,’ nama tah awpa châ vei. He phopizy moleina vâta Abeipa ta nama hmiakô tawhta a papuapa ei tlao a châ.