THEIHTHAINA 18:27 - Mara Bible RV (BSI)

²⁷ Cha hmo pasichhihpa zydua cha, he râh liata nâmo hlâta a vaw pahrâ tuapa phopi ta tao ei ta, chavâta râh cha papuapaleipa ta a y hapa a châ.

THEIHTHAINA 18:27 ပူးပေါင်းရင်းမြစ်များ

1 ABEIZY 14:24

Achhyna suzy liata chapaw âzuahpazy taihta râh liata y ei ta. Izarei sawzy hmiakô liata Abeipa ta a papua hapa phopizy hmotaopa pasichhihpa to kha tao hra ei ta.

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 21:2

Abeipa ta Izarei sawzy hmiakô liata a papua hapa phopizy ta hmo pasichhihpa ama tao tyhpa hawhta, Abeipa mohmô liata hmo pha leipa tao ta.

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

EZEKIA 16:50

A pasâhsa ei ta, ei hmiakô liata hmo pasichhihpa ama tao. Chavâta na hmôpa hawh ei ta, âmo cha su hro lâ ei pasie ha ei.

EZEKIA 22:11

Chyhsa ta a vaih lapinô chô liata hmo pasichhihpa tao ta, mohropa ta sihryh ngaitapa ta a myuhnô papuapalei ta, mohropa ta a sietanô, a paw sawchanô tlai cha khihpi chhôh liata a ykhei.

HÔSIA 9:10

Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

THEIHTHAINA 18:24

“Cha hawhpa hmozy taopa ta, nâmosasyh a papuapalei khah u. Cha hmozy ama taopa vâta, nama hmiakô liata ei papua laihpa phopizy kha amâ papuapalei hapa a châ.

THEIHTHAINA 18:26

Nâmo deikua cha, a râh chyhsa chhao, chihropa nama hry liata a pahrâpazy chhao, ei bieraopazy nata ei ryhpazy nama zyh awpa châ ta, cha hmo pasichhihpa kheihawhpa hmahta nama tao awpa châ vei.

THEIHTHAINA 18:28

Nâmo chhao, râh nama papuapalei khiahta cha, nâmo hlâta a vaw y tuapa phopi hawhna khata râh ta a cha pali hra aw ei.

RYHPACHANEINA 20:18

Chataleipatala ama khazohzy amâ chhyna liata hmo pasichhihpa ama taopa zydua tao hra awpa ta cha pachu aw ei ta, Abeipa nama Khazohpa chô liata nama molei pathlei aw.

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.

RYHPACHANEINA 25:16

Cha hawhpa hmozy tao ta, â doleipa ta a taotuhpa zydua cha, Abeipa nama Khazohpa châta pasichhihpa ama châ.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.