THEIHTHAINA 18:26 - Mara Bible RV (BSI)

²⁶ Nâmo deikua cha, a râh chyhsa chhao, chihropa nama hry liata a pahrâpazy chhao, ei bieraopazy nata ei ryhpazy nama zyh awpa châ ta, cha hmo pasichhihpa kheihawhpa hmahta nama tao awpa châ vei.

THEIHTHAINA 18:26 ပူးပေါင်းရင်းမြစ်များ

1 ABEIZY 14:24

Achhyna suzy liata chapaw âzuahpazy taihta râh liata y ei ta. Izarei sawzy hmiakô liata Abeipa ta a papua hapa phopizy hmotaopa pasichhihpa to kha tao hra ei ta.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 17:8

“Ama hnohta hetana heta reih via teh: Izarei pathla ahy tlyma, chihropa ama hry liata a pahrâpa ahy tlyma, raopa hlâna tlyma, atheihna tlyma hlâ sala,

THEIHTHAINA 18:25

Cha vâna chata râh chhao papuapaleipa ta y ta, ama hmo paraona vâta hrie ei na ta, râh ta a chhôh liata a pahrâpazy a pali ha ei.

THEIHTHAINA 18:27

Cha hmo pasichhihpa zydua cha, he râh liata nâmo hlâta a vaw pahrâ tuapa phopi ta tao ei ta, chavâta râh cha papuapaleipa ta a y hapa a châ.

THEIHTHAINA 18:30

Chavâta hmo pasichhihpa phoryhpa, nâmo y hlâta he râh liata a vaw y tuapa phopizy ta ama taopazy kha nama tao hra lei nawpa ta, ei biepiepa he zyh u la, cha hmozy liata a papuapalei khuh vy. Kei he Abeipa nama Khazohpa ei châ,” tah ta.

THEIHTHAINA 18:5

“Ei bieraopazy nata ei ryhpazy nama zyh awpa châ ta, chazy cha chyhsa ta a tao khiahta cha, chazy vâna chata a hroh aw: Kei he Abeipa ei châ.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 15:14

Bie ei cha piepa maih nama tao khiahta la, ei viasazy nama châ.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.