THEIHTHAINA 18:25 - Mara Bible RV (BSI)

²⁵ Cha vâna chata râh chhao papuapaleipa ta y ta, ama hmo paraona vâta hrie ei na ta, râh ta a chhôh liata a pahrâpazy a pali ha ei.

THEIHTHAINA 18:25 ပူးပေါင်းရင်းမြစ်များ

1 ABEIZY 21:26

Abeipa ta Izarei sawzy hmiakô liata a papuapa Amawri mo hmotaopa to hawhta tao ta, khazoh nothlahpazy a chhypa ta hmo pasichhih ngaitapazy a tao tyh.

EZRÂ 9:11

châ chakaotuhpa hrohsopazy hmâpa ta, ‘Hnei awpa ta namâ ngia awpa râh cha, a râh liata a pahrâpa phopizy pathaih leina ta a puapa râh châ ta, râh âthaona tawhta achhâna taihta ama pasichhihna nata puana ta a biepa a châ.

HLAZY 106:38

Paraona a hnei leipa thisaih palo ei ta, Ama sawchapawzy nata sawchanôzy thisaih palopa ta, Kâna khazoh nothlahpazy lâ amâ theih tyh; Chavâta râh cha thisaih ta papuapaleipa ta a y.

HLAZY 89:32

Ama paraona vâta sômasi ta hrie aw ei na ta, Ama moleina vâta chheipa ta ei hrie aw ei.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ZEREMIAH 14:10

He phopi kyh liata, Abeipa ta hetana heta a tah: “Viavi awpa khoh kaw ei ta, Ama phei chakâna a sohsi veih ei; Chavâta Abeipa ta âmo cha a pyh leipa ta, Ama paraona a thei thlâh ha aw ta, Ama moleinazy vâta a hrie aw ei.”

ZEREMIAH 16:18

Ama khazoh nothlahpa pasichhihpa rizy ta ei râh papuapalei ei ta, ama pasichhihnazy ta ei ryuto râh ama pabiepa vâta, cha ama paraona nata ama moleina cha, a lie no ta ei thô tua chai aw ei,” Abeipa ta a tah.

ZEREMIAH 2:7

A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 23:2

Chavâta Abeipa, Izarei Khazohpa ta, ei phopi a vaituhpa mietaku vaituhpazy kyh liata, hetana heta a tah: “Ei mietaku zaw papai ei chi ta, nama to haw, vaih veih ei chi. Moh teh u, nama paraopazy vâta ei cha hrie aw ei,” Abeipa ta a tah.

ZEREMIAH 5:29

He hmozy vâna heta hrie aw veih ei na ma? He hawhpa phopi chô liana heta ei phuh la aw va na ma?” Abeipa ta a tah.

ZEREMIAH 5:9

Cha hmozy vâna chata hrie aw veih ei na ma? Cha hawhpa phopi chô liata ei phuh la aw va na ma?” Abeipa ta a tah.

ZEREMIAH 9:9

He hmozy vâna heta âmo cha hrie aw va ei na ma? Cha hawhpa phopi chô liata ei phuh la aw va na ma?” Abeipa ta a tah.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

THEIHTHAINA 18:26

Nâmo deikua cha, a râh chyhsa chhao, chihropa nama hry liata a pahrâpazy chhao, ei bieraopazy nata ei ryhpazy nama zyh awpa châ ta, cha hmo pasichhihpa kheihawhpa hmahta nama tao awpa châ vei.

THEIHTHAINA 18:28

Nâmo chhao, râh nama papuapalei khiahta cha, nâmo hlâta a vaw y tuapa phopi hawhna khata râh ta a cha pali hra aw ei.

RAWMA 8:22

Hmotaopa zydua cha sawzeih pasa taopa ta, tahmâ taihta amâ rôh ngâ thlâh ha tahpa eima pahno.

RYHPACHANEINA 18:12

Cha hmozy a taopa cha Abeipa pachâ ta pasichhihpa châ ta, cha hmo pasichhihpazy vâna chata Abeipa nama Khazohpa ta nama hmiakô tawhta a papua ha ei.

RYHPACHANEINA 21:23

a ri cha tho liata azozâkhihdei a y awpa châ vei. Cha noh lia tlai ta nama pabu awpa a châ. Tho liata bangiehpa maih cha Khazohpa chhiesapa châ tlôh ei ta, Abeipa nama Khazohpa ta ryuto châta a cha piepa ei nama râh cha nama papuapalei awpa châ vei.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.