THEIHTHAINA 18:16 - Mara Bible RV (BSI)

¹⁶ “Na unawhpa lapinô hno na ty awpa châ vei. Cha cha na unawhpa thluahruana palâpa a châ.

THEIHTHAINA 18:16 ပူးပေါင်းရင်းမြစ်များ

THEIHTHAINA 20:21

Chyhsa ta a unawhpa lapinô a hnei khiahta cha, hmo pathaih leipa a châ. A unawhpa dua a thliapa châ ta, saw hnei leipa ta ama thi aw.

MATHAI 22:24

a hnohta, “Pachutuhpa, Mawsi ta, ‘Chyhsa ta saw hnei leipa ta thi sala, a unawhpa ta a lapinô cha hnei aw ta, a unawhpa châta chi a pathla awpa a châ,’ tah ta.

MÂKA 12:19

“Pachutuhpa, Mawsi ta châ miah ropa ta, ahy rai a unawhpa ta saw hnei leipa ta a lapinô a thisai khiahta cha, a unawhpa lapinô cha hnei aw ta, a unawhpa châta chi a pathlapa awpa a châ tahpa ta miah a chho.

MÂKA 6:17

Herawdâ ta a unawhpa Phili lapinô Herawdi cha lapinô ta a hneipa kyh liata, chyhsa tuah ta Zawhâna cha patusa ta, patâhna o liata chahryna chôta a khôpa kha a châ.

LUKA 3:19

Bei Herawda cha a unawhpa lapinô Herawdi kyh liata nata hmo moleipa a taopa zydua vâta Zawhâna ta vaw chhorei ta.

RYHPACHANEINA 25:5

“Unawhzy o kha liata pahrâ khoh ei sala, ama hry liata pakha sawchapaw hnei leipa ta a thi khiahta cha, athipa lapinô cha chhôhkha khôtho lâ dyh a châ awpa châ vei. A vahpa unawhpa ta ano lâ a ngia aw ta, lapinô ta hnei aw ta, vahpa unawhpa tao awpa a chô liata a tao aw.