THEIHTHAINA 17:6 - Mara Bible RV (BSI)

⁶ Theihthaipa ta ahmaohna poh o chhikao liata Abeipa maisâh chô liata thisaih thia aw ta, a thaw cha Abeipa châta ropahâhpa châta a rao aw.

THEIHTHAINA 17:6 ပူးပေါင်းရင်းမြစ်များ

PUASAINA 29:13

A rihhri thaw zydua la aw chi ta, a pathi a pahlypa thaw nata a lôpo miano nata a thaw a pahlypazy chhaota maisâh liata na rao khai aw.

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

THEIHTHAINA 17:5

Izarei sawzy ta lyurâhpa liata atheihna ama hlâ tyhpazy kha, Abeipa lâta hlâ awpa ta, ahmaohna poh o chhikao liata theihthaipa lâta cheipa ta, aryhna hlâna atheihna châta Abeipa lâta ama hlâ thei nawpa ta, he ryhpa he taopa a châ.

THEIHTHAINA 3:11

Chazy cha theihthaipa ta maisâh liata a rao aw. Cha cha Abeipa lâta mei ta hmohlâpa niepa hlâna a châ.

THEIHTHAINA 3:13

A luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 3:16

Chazy cha theihthaipa ta maisâh liata a rao aw. Cha cha ropahâhpa châta mei ta hmohlâpa niepa hlâna a châ. A thaw zydua Abeipa eih a châ.

THEIHTHAINA 3:2

A hmohlâpa luh chô liata a ku pahnieh aw ta, ahmaohna poh o chhikao thaby liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 3:5

Chazy cha Arawna sawchapawzy ta maisâh liata raopa hlâna mei tho chô liata ama rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 3:8

A hmohlâpa luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

MALUHREINA 18:17

Viahchao a pataw tuapa, mietaku a pataw tuapa nata mie a pataw tuapazy deikua cha, pathaihpa ama châpa vâta na chatlai awpa châ vei. Ama thisaih maisâh liata thia aw chi ta, mei ta hmohlâpa châta ama thawzy mei ta na rao aw. Cha cha Abeipa châta ropahâhpa a châ aw.