THEIHTHAINA 17:15 - Mara Bible RV (BSI)

¹⁵ “Ano kho ta a thipa tlyma, sa taipa tlyma a niepa cha, a râh chyhsa chhao, chihropa chhao, a chysiazy pasu aw ta, ti liata a ngai a si aw ta, zâlâ taih pathaih leipa a châ aw. Cha khai tawhta a pathaih aw.

THEIHTHAINA 17:15 ပူးပေါင်းရင်းမြစ်များ

PUASAINA 22:30

Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

PUASAINA 22:31

“Ei chyhsa pathaihpa nama châ awpa a châ. Chavâta lyurâhpa liata arie ta a taipa sa nama nie awpa châ vei. Cha hawhpa cha i nama thy awpa a châ.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

EZEKIA 44:31

Theihthaipazy cha, pavaw tlyma, râhsa tlyma, ano kho ta a thipa nata sahrâhpa taipa a châpa chhao ta, kheihawhpa sawhsawpa hmah ama nie awpa châ vei.”

THEIHTHAINA 11:24

“Hezy vâna heta pathaih leipa nama châ aw: Ahy rai sa pathaih leipa thiruapa a hriapa cha, zâlâ taih pathaih leipa a châ aw.

THEIHTHAINA 11:25

Ahy rai cha hawhpa sa thiruapa a phaohpa cha, a chysiazy pasu aw ta, zâlâ taih pathaih leipa a châ aw.

THEIHTHAINA 11:27

Phei palih ta a siepa sa hry liata phei pazah ta a siepa maih cha nama châta pathaih leipa châ ta, cha hawhpa sa thiruapa a hriapa cha zâlâ taih pathaih leipa a châ aw.

THEIHTHAINA 11:28

Cha hawhpa sa thiruapa a phaohpa cha a chysiazy pasu aw ta, zâlâ taih pathaih leipa a châ aw. Chazy cha nama châta hmo pathaih leipa a châ.

THEIHTHAINA 11:31

Chazy cha alyhpasa zydua hry liata nama châta pathaih leipazy châ ta, ahy rai cha hawhpa sa thiruapa a hriapa cha zâlâ taih pathaih leipa a châ aw.

THEIHTHAINA 11:32

Alyhpasa pathaih leipa thiruapa ta a tla thlupa hmobaoh chhao pathaih leipa a châ aw. Tho hmobaoh tlyma, chysia tlyma, savo tlyma, sykhao tlyma, kheihawhpa châta hmâpa hmobaoh rai châ sala, ti liata pachie awpa châ ta, zâlâ taih pathaih leipa a châ aw. Cha khai tawhta a pathaih aw.

THEIHTHAINA 11:39

“A sa nama nie theipa chi kheihawhpa tlyma thi sala, cha sa thiruapa a hriapa cha, zâlâ taih pathaih leipa a châ aw.

THEIHTHAINA 11:40

Cha thiruapa sa a niepa cha, a chysiazy pasu aw ta, zâlâ taih pathaih leipa a châ aw. Sa thiruapa a phaohpa chhao, a chysiazy pasu aw ta, zâlâ taih pathaih leipa a châ aw.

THEIHTHAINA 15:10

Hniah hneipa chyhsa ry lâta a ypa hmo a hriapa cha zâlâ taih pathaih leipa a châ aw. Cha hmozy a phaohpa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 15:21

A rakhô a hriapa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 15:5

A rakhô a hriapa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

THEIHTHAINA 22:8

Theihthaipa cha, ano kho ta a thipa sa tlyma, sahrâhpa ta a taipa tlyma niepa ta â papuapalei awpa châ vei. Kei he Abeipa ei châ.

THEIHTHAINA 7:24

Sa thiruapa thaw nata sahrâhpa ta a taipa thaw cha, a hmâ nawpa hropazy liata hmâ theipa châ ta, a nie deikua nama nie cheita awpa châ vei.

MALUHREINA 19:19

Chyhsa pathaihpa ta chyhsa pathaih leipa chô liata, apathaina ti cha noh thôhna noh nata noh sarina nohzy liata thia aw ta, noh sarina noh ta a pathaisa aw. A chysiazy pasu aw ta, ti liata a ngai a si aw ta, zâlâ ta a vaw pathaih ha aw.

MALUHREINA 19:21

He he ama châta chhâzaw bieraopa a châ aw: Apathaina ti a thiatuhpa maih a chysiazy pasu aw ta, apathaina ti a hriapa cha zâlâ taih pathaih leipa a châ aw.

MALUHREINA 19:8

A raotuhpa chhao ti ta a chysiazy pasu aw ta, ti liata a ngai a si aw ta, zâlâ taih pathaih leipa a châ hra aw.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.