THEIHTHAINA 16:6 - Mara Bible RV (BSI)

⁶ “Arawna ta ano moleina hlâna châta viahchao tôhpa hlâ aw ta, ano nata a chhôhkha châta chatlaina a tao aw.

THEIHTHAINA 16:6 ပူးပေါင်းရင်းမြစ်များ

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

EZEKIA 43:19

na chakao awpa ta nâ vaw hniapa Livai chi Zadô pathla theihthaipazy hnohta, moleina hlâna châta viahchao hri tawhta a tôh dawpa na pie awpa a châ, Abeipa Zehôvâh ta a tah.

EZEKIA 43:27

Cha noh raopazy cha ama paki tawhta, a noh chariena noh tawhta, theihthaipazy ta nama raopa hlânazy nata aryhna hlânazy maisâh liata hlâ aw ei ta, chatanachata ei châ pyh aw ei, Abeipa Zehôvâh ta a tah,” tah ta.

THEIHTHAINA 16:3

Arawna cha Su Pathaihpa lâ â ngia tita, moleina hlâna châta viahchao tôh dawpa nata raopa hlâna châta mietaku tôhpa chhaota â ngia awpa a châ.

THEIHTHAINA 16:7

Mie pô no a chhi aw ta, ahmaohna poh o chhikao liata Abeipa hmiakô ta a soh aw.

THEIHTHAINA 9:7

Chatawhcha Mawsi ta Arawna hnohta, “Maisâh a vaw hnia la, na moleina hlâna nata na raopa hlânazy vaw hlâ la, nâma châta nata zawpi châta chatlaina tao teh. Abeipa biepiepa hawhta, zawpi vyuhpa ta hmohlâpa hlâ la, ama châta chatlaina tao teh,” tah ta.

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.