THEIHTHAINA 16:4 - Mara Bible RV (BSI)

⁴ Pala rih dipa viahkao pathaihpa a ky aw ta, a sapa khu nawpa ta pala rih dipa chaopasy â pasy aw. Pala rih dipa chaisaihna a saih aw ta, pala rih dipa lakhu â khu aw. Chazy cha chysia pathaihpa a châ. Ti liata a ngai a si tua aw ta, cha khai tawhta chysiazy cha â tobi aw.

THEIHTHAINA 16:4 ပူးပေါင်းရင်းမြစ်များ

PUASAINA 28:2

Na unawhpa Arawna châta a rônah nawpa nata â ngia nawpa ta chysia pathaihpa na taopa aw.

PUASAINA 29:4

Arawna nata a sawchapawzy cha ahmaohna poh o chhikao lâ a vaw chhi aw chi ta, âmo cha ti ta na pasi aw ei.

PUASAINA 30:20

Ahmaohna poh o chhôh lâ amâ ngia tita, ama thi lei nawpa ta, ti ta amâ si awpa châ ta, Abeipa lâta mei ta raopa hmohlâpa chakaona rai hria awpa ta maisâh amâ hnia tita chhao, ama thi lei nawpa ta, ti ta amâ si awpa a châ.

PUASAINA 40:12

Arawna nata a sawchapawzy ahmaohna poh o chhikao thaby liata a vaw chhi aw chi ta, ti ta na pasi aw ei.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

EZEKIA 44:19

Ama chysiazy tawhta zawpizy lâta pathaihna a kia pathlei lei nawpa ta, dôhpachhôh khôtho lâta vâtlâh tlyhmia lâ ama pua tita, ama chakaona chysiazy pahluh aw ei ta, chhôhpadâhpa pathaihpazy liata soh aw ei ta, chysia hropazy amâ patly tyh awpa a châ.

EZEKIA 9:2

Maw lâ a heihpa machhua thokhy chhikao lâ tawhta chyhsa pacharu a vypa hmô ei na ta. Adyuhna chaihrai a chaba chyu ei ta. Ama hry liata pala rih dipa chysia a tobipa ta, a chai liata châti ôh a vaopa a hlao ta. A vaw ngia ei ta, dawh maisâh kiapâh liata a vaw duah ei ta.

THEIHTHAINA 16:23

“Chatawhcha Arawna cha ahmaohna poh o liata a ngia aw ta, Su Pathaihpa lâ â ngia nota pala rih dipa chysia â taopazy pahluh aw ta, cha liata a siesai aw.

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

THEIHTHAINA 16:32

Theihthaipa, a paw su a thla awpa ta sathawthupa nata pananopa ta pala rih dipa chysia pathaihpa a tobi aw ta, chatlaina a tao aw.

THEIHTHAINA 6:10

Theihthaipa ta pala rih dipa ta taopa chysia a tobi aw ta, a sapa khu nawpa ta pala rih dipa ta taopa chaopasy a pasy aw ta, maisâh liata raopa hlâna meipaohzy cha la aw ta, maisâh kâ liata a soh aw.

THEIHTHAINA 6:3

cha leipa chhao ta, chyhsa hmo pahleipa a huah sala, haipa ta bie a taihpa ta â do leipa ta a reih khiahta tlyma, cha hmozy hry liata kheihawhpa tlyma taopa ta a molei khiahta cha,

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

PHILIPI 2:7

anosasyh ta a parua khai ta, sei ta a taopa ta, chyhsapa hawhta vaw pih ta.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.