THEIHTHAINA 16:3 - Mara Bible RV (BSI)

³ Arawna cha Su Pathaihpa lâ â ngia tita, moleina hlâna châta viahchao tôh dawpa nata raopa hlâna châta mietaku tôhpa chhaota â ngia awpa a châ.

THEIHTHAINA 16:3 ပူးပေါင်းရင်းမြစ်များ

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 16:6

“Arawna ta ano moleina hlâna châta viahchao tôhpa hlâ aw ta, ano nata a chhôhkha châta chatlaina a tao aw.

THEIHTHAINA 4:1

Abeipa ta Mawsi chho ta, a hnohta,

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 8:14

Chatawhcha moleina hlâna viahchao tôhpa a vaw chhi ta, Arawna nata a sawchapawzy ta moleina hlâna viahchao tôhpa luh chô liata ama ku pahnieh ei ta.

THEIHTHAINA 8:18

Cha khai tawhta raopa hlâna mietaku tôhpa cha hlâ ta. Arawna nata a sawchapawzy ta mietaku tôhpa luh chô liata ama ku pahnieh ei ta.

THEIHTHAINA 9:2

Arawna hnohta, “Moleina hlâna châta viahchao tôh dawpa nata raopa hlâna châta mietaku tôhpa, seina hnei leipa raihrie a chhi la, Abeipa hmiakô liata hlâ mah y.

THEIHTHAINA 9:3

Izarei sawzy chho la, ama hnohta, ‘Moleina hlâna châta mie tôhpa nata raopa hlâna châta viahchaotaw nata mietakutaw kô khapa raihrie, seina a hnei leipazy cheih u la,

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.