THEIHTHAINA 16:29 - Mara Bible RV (BSI)

²⁹ “He he nama châta chhâzaw bieraopa a châ aw: Thla sarina noh hrawhna noh liata a paky aw ei chi ta, a râh chyhsa chhao, chihropa nama hry ta a pahrâpa chhao, khâpa rai hmahta nama hria awpa châ vei.

THEIHTHAINA 16:29 ပူးပေါင်းရင်းမြစ်များ

1 ABEIZY 8:2

Chatanachata Izarei chapaw zydua cha thla sarina, Ethâni thla kyhchhi daihti liata Bei Sawlawmaw lâta a hmaohpakhy ei ta.

EZRÂ 3:1

Thla sarina vaw tlô ta, Izarei sawzy ama khih chyu liata ama pahrâ khai nahta, zawpizy reihkha tlapa ta Zerusale liata a hmaohpakhy ei ta.

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

HLAZY 35:13

Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

HLAZY 69:10

Chana nata kâhvileipa ta ei hro ei panawh châh ta, Reipachhiena tlao ei hlao.

PUASAINA 12:16

Noh khana noh ta pakhypi pathaihpa hmâh aw ei chi ta, a noh sarina noh ta pakhypi pathaihpa a y heih aw. Chyhsa to nie awpa châta nama hriapa dei leipa cha, cha daihti chhôh cha khâpa rai hmah nama hria awpa châ vei.

PUASAINA 20:10

A noh sarina noh deikua cha, Abeipa na Khazohpa châta Pahânoh a châ. Cha noh liata cha, nâ chhao, na sawchapaw chhao, na sawchanô chhao, na seichapaw chhao, na seichanô chhao, na sahroh nata na o liata chihropa a ypazy ta khâpa rai hmah nama hria awpa châ vei.

PUASAINA 30:10

Arawna ta kô kha ta ei kha maisâh kizy chô liata aryhna a tao tyh aw. Molei chatlaina thisaih hmâpa ta aryhna cha, kô kha ta ei kha, nama chhâ zydua liata tao tyh awpa a châ. Cha cha Abeipa châta hmo pathaih ngaitapa a châ,” tah ta.

PUASAINA 31:14

Pahânoh cha nama châta noh pathaihpa a châpa vâta nama chay awpa a châ. Pahânoh a papuapaleipa maih cha thie thlyu awpa châ ta, cha noh liata raihria kheihawhpa rai a hriapa chyhsa cha, a phopi tawhta chhawh pathlahpa a châ aw.

PUASAINA 31:15

Noh charu chhôh rai hria aw ei chi ta, a noh sarina noh cha a pahâ nawpa Pahânoh zachhihpa châ ta, Abeipa châta noh pathaihpa a châ. Ahy rai Pahânoh ta rai a hriapa cha thie thlyu awpa a châ.

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ISAI 58:5

Cha hawhpa kâhvileipa cha, Apanawhna noh châta ei raopa kâhvileipa a châ ma? Kâhvileipa cha lohthi hawhta luh a bôh ta, Latho poh nata buchâh liata a ziapa he ma a châ? Cha cha kâhvileipa tahpa ta, Abeipa a palysapa noh nama tah aw ma?

DÂNIAH 10:12

Ano ta ei hnohta, “Chi kha, Dâniah, pahnona hnei awpa ta na pathipalôh pie chi ta, na biezy theipa châ ta, na biezy vâta â vypa ei châ.

DÂNIAH 10:3

Hâta ei thôh bohloh a tloh hlâlei cha, nie pahâhpa rai nie leipa na ta, sa tlyma, kresawhti tlyma, ei pakah liata a ngia leipa ta, sathaw chhao a thu va na.

THEIHTHAINA 23:21

Cha noh lia tlai ta nama châta pakhypi pathaihpa phuah aw ei chi ta, rai rupa khâpa hmah nama hria awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

THEIHTHAINA 23:36

Noh sari chhôh Abeipa lâta mei ta hmohlâpa hlâ aw ei chi ta, a noh chariena noh cha nama châta pakhypi pathaihpa châ aw ta, Abeipa lâta mei ta hmohlâpa nama hlâ awpa a châ. Cha cha pakhypi pathaihpa châ ta, rai rupa nama hria awpa châ vei.

THEIHTHAINA 25:9

Cha tawhta thla sarina, noh hrawhna noh ta chiahmie paro ngaitapa ta patôsa aw chi ta, nama râh zydua liata chiahmie tôpa ta chatlaina noh nama phuah aw.

THEIHTHAINA 3:17

“Thaw tlyma, thisaih tlyma, nama nie awpa châ vei tahpa cha, nama pahrâna maih liata nama chhâ zydua châta chhâzaw bieraopa a châ aw,” tah ta.

MALUHREINA 29:7

“Thla sarina noh hrawhna noh liata pakhypi pathaihpa nama hnei aw. Kâhvileipa ta y aw ei chi ta, khâpa rai hmah nama hria awpa châ vei.

HMOTAOPAZY 27:9

Noh hluhpi khô ha ta, Kâhvileipa noh chhao a khô hapa vâta, balyh ta siepa cha chichhih ngaita ta. Pawla ta âmo cha pachâna pie ta,

1 KAWRINI 11:31

Keimosasyh ta eimâ mohpasia ha khiahta cha, thaileichâpa ta y aw ma pi.

HEBRAI 4:10

Khazohpa ta a raihriazy tawhta â pahâpa hawhta, Khazohpa apahâna liata a ngia hapa cha, a raihriazy tawhta â pahâ hra aw.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.