Phei palih ta a siepa sa hry liata phei pazah ta a siepa maih cha nama châta pathaih leipa châ ta, cha hawhpa sa thiruapa a hriapa cha zâlâ taih pathaih leipa a châ aw.
Alyhpasa pathaih leipa thiruapa ta a tla thlupa hmobaoh chhao pathaih leipa a châ aw. Tho hmobaoh tlyma, chysia tlyma, savo tlyma, sykhao tlyma, kheihawhpa châta hmâpa hmobaoh rai châ sala, ti liata pachie awpa châ ta, zâlâ taih pathaih leipa a châ aw. Cha khai tawhta a pathaih aw.
Cha thiruapa sa a niepa cha, a chysiazy pasu aw ta, zâlâ taih pathaih leipa a châ aw. Sa thiruapa a phaohpa chhao, a chysiazy pasu aw ta, zâlâ taih pathaih leipa a châ aw.
“Pathaisa awpa chyhsa cha a chysiazy pasu aw ta, a hmi zydua a ngyu aw ta, ti ta a ngai a si aw ta, a pathaih ha aw. Cha khai tawhta riehmo lâ a ngia thei aw ta, châhrasala a poh o khôtho liata noh sari a y chy awpa a châ.
Arawna ta mie pô no chhichâ nawpa cha nuby a daopa ta â tlyh aw. Nuby miakhapa liata ‘Abeipa châta’ tahpa roh aw ta, nuby hropa liata ‘Azaze châta’ tahpa a roh aw.
He he ama châta chhâzaw bieraopa a châ aw: Apathaina ti a thiatuhpa maih a chysiazy pasu aw ta, apathaina ti a hriapa cha zâlâ taih pathaih leipa a châ aw.