THEIHTHAINA 16:23 - Mara Bible RV (BSI)

²³ “Chatawhcha Arawna cha ahmaohna poh o liata a ngia aw ta, Su Pathaihpa lâ â ngia nota pala rih dipa chysia â taopazy pahluh aw ta, cha liata a siesai aw.

THEIHTHAINA 16:23 ပူးပေါင်းရင်းမြစ်များ

EZEKIA 42:14

Theihthaipazy ta Su Pathaihpa chhôh lâ amâ ngia tita, ama chakaona chysiazy khôtho lâ ama puakhei awpa châ vei. Chysia pathaihpazy a châpa vâta, Su Pathaihpa liata soh aw ei ta, chysia hropazy amâ thla khai tawhta vâtlâh suzy lâ ama pua awpa a châ,” tah ta.

EZEKIA 44:19

Ama chysiazy tawhta zawpizy lâta pathaihna a kia pathlei lei nawpa ta, dôhpachhôh khôtho lâta vâtlâh tlyhmia lâ ama pua tita, ama chakaona chysiazy pahluh aw ei ta, chhôhpadâhpa pathaihpazy liata soh aw ei ta, chysia hropazy amâ patly tyh awpa a châ.

THEIHTHAINA 16:22

Mie cha râhchawhpa liata pathlie aw ta, chatanachata ama paraona zydua cha mie ta chyhsa y leina râh lâ a siekhei ha aw.

THEIHTHAINA 16:4

Pala rih dipa viahkao pathaihpa a ky aw ta, a sapa khu nawpa ta pala rih dipa chaopasy â pasy aw. Pala rih dipa chaisaihna a saih aw ta, pala rih dipa lakhu â khu aw. Chazy cha chysia pathaihpa a châ. Ti liata a ngai a si tua aw ta, cha khai tawhta chysiazy cha â tobi aw.

THEIHTHAINA 6:11

Chatawhcha a chysia cha pahluh aw ta, chysia hropa a tao aw ta, buchâhzy cha riehmo khôtho su sithaipa lâ a siekhei aw.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.