THEIHTHAINA 16:22 - Mara Bible RV (BSI)

²² Mie cha râhchawhpa liata pathlie aw ta, chatanachata ama paraona zydua cha mie ta chyhsa y leina râh lâ a siekhei ha aw.

THEIHTHAINA 16:22 ပူးပေါင်းရင်းမြစ်များ

HLAZY 103:10

Eima moleinazy hawhta eima chô liata tao leipa ta, Eima paraonazy hawhta viari miah thô vei.

HLAZY 103:12

Nochhi nata notla â hlapa tlu ta, Eima paraonazy cha keimo tawhta lâhlapi lâta a pasie haw.

EZEKIA 18:22

Moleina a vaw tao hapa khâpa hmah a theipa châ khao leipa aw ta, siana a vaw tao hapa vâta a hroh aw.

EZEKIA 4:4

“Chatawhcha na chavei lâ a hniehpa ta a zia la, Izarei pathlazy moleina cha na chô liata soh la phaoh mah y. Nâ zia nawpa noh ziepa cha, âmo moleina na phao nawpa noh ziepa a châ aw.

THEIHTHAINA 14:7

Phawhpa hri tawhta pathaisa awpa cha, pavaw thisaih ta ei sari thia aw ta, ano cha pathaihpa ta phuah aw ta, pavaw hrohpa cha lyurâhpa lâ a pathlie aw.

THEIHTHAINA 16:21

Arawna ta mie hrohpa luh chô liata a ku kârano pahnieh aw ta, Izarei sawzy paraona, tao pasina nata moleina zydua mie chô liata palâhâh aw ta, chazy cha mie luh chô liata a soh khai aw. Mie cha rao eihpa chyhsa ku liata pie aw ta, râhchawhpa lâ a kei pathliesa aw.

THEIHTHAINA 16:23

“Chatawhcha Arawna cha ahmaohna poh o liata a ngia aw ta, Su Pathaihpa lâ â ngia nota pala rih dipa chysia â taopazy pahluh aw ta, cha liata a siesai aw.

MIKÂ 7:19

Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.