THEIHTHAINA 16:17 - Mara Bible RV (BSI)

¹⁷ Chatlaina tao awpa ta Su Pathaihpa lâ â ngiana daihti tawhta, ano nata a chhôhkha nata Izarei zawpi châta chatlaina tao ta, a vaw pua heih hlâlei cha, ahy hmahta ahmaohna poh o chhôh liata ama y awpa châ vei.

THEIHTHAINA 16:17 ပူးပေါင်းရင်းမြစ်များ

1 THÂTIHZYRONA 6:34

Samuela paw cha Elkânâ châ ta, Elkânâ paw cha Zerôhâ châ ta, Zerôhâ paw cha Elie châ ta, Elie paw cha Toâh châ ta,

PUASAINA 34:3

Na hnohta pakha hmah amâ khy awpa châ leipa ta, tlâh zydua liata chyhsa pakha hmah ama y awpa châ vei. Mietaku zawzy nata viahchao hrizy chhao tlâh dady liata ama lao ama bâ awpa châ hra vei,” tah ta.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 16:16

Chatanachata Izarei sawzy pathaih leinazy, ama paraonazy nata ama moleina zydua vâta Su Pathaihpa châta chatlaina a tao aw. Cha hawhna chata, ama pathaih leinazy hry liata ama hnohta a ypa ahmaohna poh o châta chhao a tao aw.

THEIHTHAINA 16:18

Cha khai tawhta, Abeipa hmiakô liata maisâh lâ pangai aw ta, maisâh châta chatlaina a taopa aw. Viahchao tôhpa thisaih nata mie thisaihzy la aw ta, maisâh kizy liata â dôna taihta a hnia aw.

LUKA 1:10

Ropahâhpa raona daihti liata, zawpi zydua cha khôtho liata thlahchhâ ei ta.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

1 TIMAWTHY 2:5

Khazohpa cha pakha deita y ta, Khazohpa nata chyhsazy likah liata lyuhchâpa pakha deita a y. Ano cha chyhsapa ta a pihpa Krista Zisu a châ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.