THEIHTHAINA 16:16 - Mara Bible RV (BSI)

¹⁶ Chatanachata Izarei sawzy pathaih leinazy, ama paraonazy nata ama moleina zydua vâta Su Pathaihpa châta chatlaina a tao aw. Cha hawhna chata, ama pathaih leinazy hry liata ama hnohta a ypa ahmaohna poh o châta chhao a tao aw.

THEIHTHAINA 16:16 ပူးပေါင်းရင်းမြစ်များ

PUASAINA 30:10

Arawna ta kô kha ta ei kha maisâh kizy chô liata aryhna a tao tyh aw. Molei chatlaina thisaih hmâpa ta aryhna cha, kô kha ta ei kha, nama chhâ zydua liata tao tyh awpa a châ. Cha cha Abeipa châta hmo pathaih ngaitapa a châ,” tah ta.

THEIHTHAINA 16:17

Chatlaina tao awpa ta Su Pathaihpa lâ â ngiana daihti tawhta, ano nata a chhôhkha nata Izarei zawpi châta chatlaina tao ta, a vaw pua heih hlâlei cha, ahy hmahta ahmaohna poh o chhôh liata ama y awpa châ vei.

THEIHTHAINA 16:18

Cha khai tawhta, Abeipa hmiakô liata maisâh lâ pangai aw ta, maisâh châta chatlaina a taopa aw. Viahchao tôhpa thisaih nata mie thisaihzy la aw ta, maisâh kizy liata â dôna taihta a hnia aw.

THEIHTHAINA 23:27

“Thla sarina noh hrawhna noh cha Chatlaina Noh châ ta, nama châta pakhypi pathaihpa châ aw ta, a paky aw ei chi ta, Abeipa lâta mei ta hmohlâpa nama hlâ awpa a châ.

THEIHTHAINA 8:15

Mawsi ta viahchao tôhpa cha thie ta, a thisaih la ta, a kudy ta maisâh kizy hniapa ta, maisâh cha pathaisa ta, thisaih laibâhpazy cha maisâh thaby liata patlai ta. Chatanachata maisâh châta chatlaina tao ta, maisâh cha a pathaisa.

MALUHREINA 17:11

Cha hawh chata Mawsi ta tao ta, Abeipa ta bie a piepa hawh tlai ta a tao.

MALUHREINA 28:15

Raopa hlâna hlâ tyhpa nata â chakaihpa dopa hlâna thota, Abeipa lâta moleina hlâna châta mie tôhpa pô kha nama hlâ aw.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.