THEIHTHAINA 16:13 - Mara Bible RV (BSI)

¹³ Ropahâhpa cha Abeipa hmiakô ta mei liata mia aw ta, ropahâhpa khuh ta Biehrai Byh chô liata zawgiahna dyuchhai cha pahly aw ta, chatanachata thina a tyh aw vei.

THEIHTHAINA 16:13 ပူးပေါင်းရင်းမြစ်များ

PUASAINA 25:21

Zawngiahna dyuchhai cha Byh chô liata patyuh aw chi ta, biehrai ei cha pie awpa cha byh chhôh liata na khô aw.

PUASAINA 28:43

Cha chysiazy cha Arawna nata a sawchapawzy ta ahmaohna poh o liata amâ ngia tita nata su pathaihpa liata chakao awpa ta maisâh amâ hnia tita, amâ ky tyh aw. Chataleipatala thailei châ aw ei ta, ama thi pathlei aw. Cha cha Arawna nata a pathlazy châta chhâzaw bieraopa a châ aw.

PUASAINA 30:1

“Ropahâhpa rao nawpa maisâh tao aw chi ta, akeisia tho ta na tao aw.

THEIHTHAINA 22:9

Chavâta ei biepiepazy amâ pyh awpa a châ. Chataleipatala ei hmo pathaihpa ama papuapaleipa vâta ama moleina maoh phaoh aw ei ta, ama thi pathlei aw. Kei he Abeipa âmo pathaisatuhpa ei châ.

MALUHREINA 16:18

Chatanachata chyhsa to ama ropahâhpa raona biebuh a chei chyu ei ta, a chhôh liata mei soh ei ta, mei chô liata ropahâhpa soh ei ta, Mawsi nata Arawna hnohta ahmaohna poh o chhikao liata a kei duah ei ta.

MALUHREINA 16:46

Mawsi ta Arawna hnohta, “Ropahâhpa raona na biebuh kha la la, a chô liata maisâh liata mei kha soh la, ropahâhpa mia la, zawpi lâ a râkhei para la, âmo châta chatlaina tao teh. Abeipa tawhta hiehâhna pua ha ta, potlana â thao haw,” tah ta.

MALUHREINA 16:7

cha liata mylâ Abeipa hmiakô liata mei soh aw ei chi ta, mei chô liata ropahâhpa nama soh aw. Abeipa ta â tlyhpa cha pathaihpa a châ aw. Nâmo, Livai pathlazy saih u, nama tah tu ha bâ!” tah ta.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:20

Khupa hmo pathaihpazy moh awpa ta deikua amâ ngia awpa châ vei. Chataleipatala ama thi pathlei aw,” tah ta.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.