THEIHTHAINA 15:32 - Mara Bible RV (BSI)

³² “Cha cha a chapaw châna tawhta hniah a lohpa nata a baoti a puapa vâta pathaih leipa a châ hapa chapaw châta ryhpa châ ta,

THEIHTHAINA 15:32 ပူးပေါင်းရင်းမြစ်များ

EZEKIA 43:12

He he Achhyna o ryhpa cha a châ: Tlâhpi laki nata a chaby zydua cha su pathaih chaipa a châ aw. Nathlie teh, he he Achhyna o ryhpa cha a châ.

THEIHTHAINA 11:46

“Chazy cha sa nata pavaw nata ti liata a pahrâpa hmohrohneipa to nata alei liata alyhpasa chi tozy kyh liata ryhpa a châ.

THEIHTHAINA 13:59

“Cha cha sahmi chysia liata tlyma, pala rih dipa chysia liata tlyma, thaitôh liata tlyma, thaipheih liata tlyma, savo ta taopa hmobaoh liata tlyma, phawhpa hri a y tita, a pathaih nata pathaih lei phuah nawpa ryhpa a châ,” tah ta.

THEIHTHAINA 14:2

“He he phawhpa a pathaih noh ta taozie awpa ryhpa a châ: Phawhpa cha theihthaipa lâ a chhi awpa a châ.

THEIHTHAINA 14:32

Cha cha phawhpa hri pathaisana hmohlâpa ryhpa hawhta a tao thei leipazy châta pathaisana ryhpa a châ,” tah ta.

THEIHTHAINA 14:54

Cha cha phawhpa hri chi to nata riatha kyh liata ryhpa a châ.

THEIHTHAINA 15:16

“Chapaw ahy rai a baoti a pua khiahta cha, a pôhpa duata ti liata a ngai a si aw ta, zâlâ taih pathaih leipa a châ aw.

THEIHTHAINA 15:31

“Cha hawhna chata Izarei sawzy cha ama pathaih leinazy tawhta na panano awpa ei a châ. Chataleipatala ama pathaih leina vâta, ama hry liata ei achhyna byureih papuapalei aw ei ta, ama thi pathlei aw.

THEIHTHAINA 15:33

chanô hnopasupa vâta a pathaih leipa châta ryhpa a châ hra. Chapaw chhao, chanô chhao, a chapaw châna nata a chanô châna tawhta a puapa a hneipa zydua châta ryhpa châ ta, chanô hnopasu chhôh ta a ziakheipa chapaw châta ryhpa a châ,” tah ta.

MALUHREINA 19:14

“He he poh o liata athipa ama y tita ryhpa awpa a châ: Poh o liata a ngiapa nata poh o chhôh liata a ypa maih noh sari chhôh pathaih leipa ama châ aw.

MALUHREINA 5:29

“Cha cha hiatliana kyh liata ryhpa cha châ ta, lapinô ta a vahpa ry liata a y thlâh ha nota, ngâchhih leipa ta â papuapaleina kyh liata ryhpa a châ.

MALUHREINA 6:13

“He he Nâzarai chyhsa châta ryhpa, â pananona noh â ki tita tao awpa a châ. Ahmaohna poh o chhikao liata a chhipa châ aw ta,