THEIHTHAINA 15:31 - Mara Bible RV (BSI)

³¹ “Cha hawhna chata Izarei sawzy cha ama pathaih leinazy tawhta na panano awpa ei a châ. Chataleipatala ama pathaih leina vâta, ama hry liata ei achhyna byureih papuapalei aw ei ta, ama thi pathlei aw.

THEIHTHAINA 15:31 ပူးပေါင်းရင်းမြစ်များ

HLAZY 66:18

Ei palôh liata moleina ei pasô khiahta cha, Abeipa ta na nathlie aw vei.

EZEKIA 23:38

Cha dei châ vei, he hmo chhao he ei chô liata ama tao: Ama sawzy atheihna ta ama hlâ noh lia tlai ta, ei supathaihpa papuapalei ei ta, ei Pahânohzy taih ama parao.

EZEKIA 36:17

“Chyhsa sawchapawpa y, Izarei pathlazy ta ama râh liata ama pahrâ no khata, ama hrozie nata ama hmotaopazy ta râh cha papuapalei ei ta, ei hmiakô liata ama hroziezy cha chanô a thaitlyh lei nota a pathaih leipa hawhta a châ.

EZEKIA 44:23

Ei phopi cha hmo ziehpa nata zieh leipa ananona pachu aw ei ta, hmo pathaihpa nata pathaih leipa ananona ama pachu awpa a châ.

EZEKIA 5:11

Chavâta Abeipa Zehôvâh ta hetana heta a tah: Ei hrona reipa ta ei reih. Na puana nata na pasichhihnazy ta ei supathaihpa na papuapaleipa vâta, ei cha chhawh pathlah ha aw. Ei mo ta cha pahlôh leipa aw ta, cha ngiachhie aw va na.

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

THEIHTHAINA 11:47

Pathaihpa nata pathaih leipa panano awpa châ ta, hmohrohneipa nie theipa nata hmohrohneipa nie lei awpa chi chhao panano awpa a châ,” tah ta.

THEIHTHAINA 13:59

“Cha cha sahmi chysia liata tlyma, pala rih dipa chysia liata tlyma, thaitôh liata tlyma, thaipheih liata tlyma, savo ta taopa hmobaoh liata tlyma, phawhpa hri a y tita, a pathaih nata pathaih lei phuah nawpa ryhpa a châ,” tah ta.

THEIHTHAINA 15:32

“Cha cha a chapaw châna tawhta hniah a lohpa nata a baoti a puapa vâta pathaih leipa a châ hapa chapaw châta ryhpa châ ta,

THEIHTHAINA 19:30

Ei Pahânohzy chay aw ei chi ta, ei supathaihpa nama chiza awpa a châ. Kei he Abeipa ei châ.

THEIHTHAINA 20:3

Kei tlai chhao ta, cha chyhsa cha a heihnao aw na ta, a saw Môleka lâ piepa ta, ei supathaihpa cha pathaih leipa ta tao ta, ei moh pathaihpa a papuapaleipa vâta, a phopi tawhta ei chhawh pathlah aw.

THEIHTHAINA 21:23

A khaihly leipa a châpa vâta, pohraipa deikua siepahlie thei leipa aw ta, ei supathaihpazy a papuapalei lei nawpa ta, maisâh kiapâh lâ vawh thei aw vei. Kei he Abeipa âmo pathaisatuhpa ei châ,’” tah ta.

MALUHREINA 19:13

Athihpa ri a hriapa maih, kheihawhpa chyhsa ri rai châ sala, â pathai vei khiahta cha, Abeipa achhyna byureih a papuapaleipa châ ta, cha chyhsa cha Izarei tawhta chhawh pathlahpa a châ aw. Apathaina ti a chô liata thiapa a châ leipa vâta, pathaih leipa châ ta, a pathaih leina a chô liata a y thlâh ha chypa a châ.

MALUHREINA 19:20

“Chyhsa pathaih leipa cha â pathai leipa khiahta cha, cha chyhsa cha Abeipa supathaihpa a papuapaleipa a châpa vâta, zawpi tawhta chhawh pathlahpa a châ aw. Apathaina ti ta thiapa a châ leipa vâta pathaih leipa a châ.

MALUHREINA 5:3

Ama hry liata ei pahrâna ama riehmo ama papuapalei lei nawpa ta, chapaw chhao, chanô chhao, riehmo tawhta papua khai awpa a châ,” tah ta.

1 KAWRINI 3:17

Ahy rai Khazohpa Achhyna o a parao khiahta cha, cha chyhsa cha Khazohpa ta a parao aw. Khazohpa Achhyna o cha pathaih tlôh ta, cha Achhyna o cha nâmo nama châ.

RYHPACHANEINA 24:8

“Phawhpa hri kyh liata, pakhâta ta tao aw ei chi ta, theihthaipa Livai chizy ta ama cha chhopa hawhta nama tao aw. Ama hnohta bie ei piepa hawhta, a sohsi ngaitapa ta nama tao aw.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

1 SAMUELA 3:14

Chavâta Eli pathlazy moleina cha atheihna ta tlyma, hmohlâpa ta tlyma, khati ta hmahta pathaisa theipa châ khao aw vei, tahpa ta Eli pathlazy hnohta bie ei vaw taih haw,” tah ta.