THEIHTHAINA 15:18 - Mara Bible RV (BSI)

¹⁸ Chapaw ta chanô a ziakhei sala, a baoti a papua khiahta cha, ama pano ta ti liata ama ngai a si aw ei ta, zâlâ taih pathaih leipa ama châ aw.

THEIHTHAINA 15:18 ပူးပေါင်းရင်းမြစ်များ

2 SAMUELA 11:4

Dâvi ta chyhsa tuah ta, a vaw chhi ei ta, a vaw tlô nahta a ziakhei ta. Chanô cha a thaitlyh leina tawhta a pathai hapa châ ta. Dâvi ta â ziakhei khai tawhta Bâsebâ cha a o la a di ha ta.

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

PUASAINA 19:15

Mawsi ta zawpi hnohta, “A noh thôhna noh châta a pachyh teh u, chanô rai namâ hnia awpa châ vei,” tah ta.

THEIHTHAINA 15:16

“Chapaw ahy rai a baoti a pua khiahta cha, a pôhpa duata ti liata a ngai a si aw ta, zâlâ taih pathaih leipa a châ aw.

THEIHTHAINA 15:17

Baoti ta a kiapa chysia nata vo zydua ti liata pasupa ta pasi khai awpa châ ta, zâlâ taih pathaih leipa a châ aw.

THEIHTHAINA 15:5

A rakhô a hriapa cha a chysiazy pasu aw ta, ti liata a ngai a si aw ta, zâlâ taih pathaih leipa a châ aw.

1 KAWRINI 6:12

“Ato taopa ei châta a pathaih,” châhrasala hmo to tao khaipa pha hlei vei. “Ato taopa ei châta a pathaih,” châhrasala khâpa sei ta hmah y aw va na.

1 KAWRINI 6:18

Apatlana moleina a râsai teh u. Chyhsa ta moleina hropa a taopazy cha pôhpa khôtho lâ a châ, apatlana moleina a taopa deikua cha, ano pôhpa chô lia tlai ta moleina hmo a taopa a châ.

2 TIMAWTHY 2:22

Thyutlia aohraohnazy a râsai la, palôh pathaihpa ta Abeipa padotuhpazy hry liata a hlaopa ta, siana, ngiapâna, kyhpachâna nata thlalôhna zy a chadai lymâ mah y.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.